Франчэска Бонсіньёры

Франчэска Бонсіньёры (іт. Francesco Bonsignori; каля 1460, Верона, Венецыянская рэспубліка — 2 ліпеня 1519, Кальдзьера, Венецыянская рэспубліка) — італьянскі жывапісец эпохі Адраджэння.

Франчэска Бонсіньёры
італ.: Francesco Bonsignori
Род дзейнасці мастак
Дата нараджэння 1460[1][2][…] ці каля 1455[3]
Месца нараджэння
Дата смерці 2 ліпеня 1519[3][4]
Месца смерці
Грамадзянства
Лагатып Вікісховішча Медыяфайлы на Вікісховішчы

Нарадзіўся каля 1460 года ў Вероне ў сям’і мастака Альберта Бонсіньёры. Навучаўся жывапісу ў майстэрні Франчэска Бенальё. У 1480 годзе пераехаў з Вероны ў Венецыю, дзе жыў да 1487 года. У ранні перыяд творчасці знаходзіўся пад уплывам венецыянскай жывапіснай школы. Асаблівае ўражанне на Бонсіньёры аказала творчасць Антанела да Месіны, Джавані Беліні, Чыма да Канельяна і Альвізэ Віварыні.

Сярод вядомых тварэнняў гэтага перыяду самымі раннімі творамі мастака з’яўляюцца палотны «Мадонна са спячым немаўляткам» 1483 года і «Алтар Даль Бова» і інш.

З 1487 па 1505 год мастак жыў у Мантуі, дзе працаваў прыдворным жывапісцам маркграфаў з дома Ганзага, разам з братам Джыралама Бонсіньёры і Андрэа Мантэнья.

У пачатку XVI стагоддзя стыль Бонсіньёры становіцца больш тонкім і мяккім, што звязваюць з уплывам творчасці Леанарда да Вінчы, з якім ён пазнаёміўся падчас знаходжання ў Мантуі.

Зноскі

  1. Francesco Bonsignori // AGORHA — 2009. Праверана 9 кастрычніка 2017.
  2. Francesco Bonsignori // Art UK painters database Праверана 9 кастрычніка 2017.
  3. а б в г RKDartists Праверана 15 лістапада 2020.
  4. Lehmann-Brockhaus U. Francesco Bonsignori [Monsignori] // Bonsignori [Monsignori], Francesco // Grove Art Online / J. Turner[Oxford, England], Houndmills, Basingstoke, England, New York: OUP, 2017. — ISBN 978-1-884446-05-4doi:10.1093/GAO/9781884446054.ARTICLE.T009942