Фёдар Андрэевіч Махноў
Фёдар Андрэевіч Махноў (6 чэрвеня (18 чэрвеня) 1878, в. Касцюкі на Старасельшчыне — 28 жніўня (10 верасня) 1912, хутар непадалёк ад Старага Сяла) — чалавек надзвычайнага росту і фізічнай сілы, «беларускі волат», адзін з самых высокіх людзей у гісторыі[1] Меў рост 285 см[2], даўжыню ступні 51 см. У 1890-я гады Фёдар Махноў наведаў з цыркам амаль усю Еўропу і ЗША.
| Фёдар Андрэевіч Махноў | |
|---|---|
 Фёдар Махноў і жонка Ефрасіння | |
| Род дзейнасці | сялянства, артыст цырка |
| Дата нараджэння | 6 (18) чэрвеня 1878 |
| Месца нараджэння | |
| Дата смерці | 28 жніўня (10 верасня) 1912 (34 гады) |
| Месца смерці | |
| Грамадзянства | |
 Медыяфайлы на Вікісховішчы | |
Прычына адносна ранняй смерці Фёдара Махнова невядомая, магчыма, што ад хваробы лёгкіх. Шкілет Фёдара Махнова быў эксгумаваны ў 1920-я гг. і перададзены на кафедры анатоміі Мінскага медыцынскага інстытута і там захоўваўся, у гады Вялікай Айчыннай вайны знік. У даваенны час анатамы даследавалі шкілет і высветлілі, што ў мужчыны была акрамегалія, выкліканая гарманальным парушэннем, якая ўзмацняе рост арганізма[3].
Памяць правіць
У вясковай школе Старога Сяла існуе музей Махнова, дзе сярод іншага захоўваюцца ложак волата. Улетку 2012 года на чыгуначнай станцыі вёскі плануецца адкрыць помнік у натуральную велічыню[3].
Зноскі
- ↑ Магчыма, што самы высокі чалавек у гісторыі.
- ↑ Гэтая лічба, паводле «Помнікаў…», была пацверджаная нямецкім антраполагам Ф. фон Лушанам у 1903; але паводле пераказу звестак фон Лушана і Лісаўэра ў артыкуле дэ Хердэра, рост Махнова складаў 238 см (спасылка на Der Riese Machnow. Ztschr Ethnologie 35:479-481, 1903). Сустракаецца лічба 254 см, напр., на надмагільным помніку, але яна, відавочна, недакладная, бо тычыцца росту Ф. М. у 16-гадовым узросце.
- ↑ а б Белорусу поставят памятник как самому высокому человеку в мире(недаступная спасылка)
Літаратура правіць
- А. Падліпскі. Асілак з веліканавага хутара // Помнікі гісторыі і культуры Беларусі. — № 4. — Мн.: Полымя, 1987. — ISSN 0131-2669. — С.43—44.
- Wouter W. de Herder [2008]. Acromegaly and gigantism in the medical literature. Case descriptions in the era before and the early years after the initial publication of Pierre Marie (1886). — SpringerLink.com(недаступная спасылка)
|
Фёдар Андрэевіч Махноў на Вікісховішчы |
|---|