Фёдар Уладзіміравіч Лукашэнка

Фёдар Уладзіміравіч Лукашэнка (нар. 18 сакавіка 1974, Бабруйск) — беларускі футбаліст, апорны паўабаронца. Двухразовы чэмпіён Беларусі (2000, 2003).

Фёдар Лукашэнка
Поўнае імя	Фёдар Уладзіміравіч Лукашэнка
Нарадзіўся	18 сакавіка 1974(1974-03-18) (50 гадоў) Мінск, БССР, СССР
Грамадзянства	Беларусь
Пазіцыя	паўабаронца
Клубная кар’ера
1992 Ніва (Самахвалавічы) 1 (0) 1992—1996 / Маладзечна 114 (6) 1997—1998 Дынама-93 (Мінск) 41 (2) 1998—2001 Славія (Мазыр) 92 (10) 2002—2004 Гомель 70 (2) 2005 Дарыда (Ждановічы) 11 (1) 2005—2006 Дынама (Брэст) 21 (1) 2007—2010 Верас (Нясвіж) 100 (3) 2011 СКВІЧ (Мінск) 17 (0)
Нацыянальная зборная
1993 Беларусь (да 21) 1 (0) 1997 Беларусь 1 (0)

Кар’ера

Выхаванец мінскага футбола, у маладосці трапіў у склад «Маладзечна». У 1997 годзе перспектыўнага іграка набыла мінскае «Дынама-93», аднак улетку 1998 года клуб спыніў існаванне, і Фёдар апынуўся ў складзе мазырскай «Славіі», дзе стаў чэмпіёнам краіны. У сезоне 2001 мазырскі клуб пачаў мець фінансавыя цяжкасці, і Лукашэнка па запрашэнні Сяргея Падпалага перайшоў у «Гомель», у складзе якога выйграў сваё другое чэмпіёнства. У 2005—2006 гадах гуляў за «Дарыду» і брэсцкае «Дынама», пасля чаго апынуўся ў клубе Першай лігі «Верас», дзе гуляў на працягу чатырох гадоў. Завяршыў кар’еру ў 2011 годзе ў складзе сталічнага клуба СКВІЧ.

У 1997 годзе згуляў свой адзіны матч за нацыянальную зборную Беларусі, калі ў жніўні 1997 года ў таварыскай гульні на мінскім стадыёне «Дынама» гаспадары саступілі зборнай Ізраіля з лікам 2:3.

Фёдар Лукашэнка пэўны час з’яўляўся рэкардсменам па колькасці ўдзелаў у фіналах Кубка Беларусі — ён шэсць разоў выхадзіў на поле ў вырашальных матчах (у складзе трох розных клубаў), але толькі двойчы выйграваў трафей.

Дасягненні

• 01 Чэмпіён Беларусі (2): 2000, 2003
• 02 Срэбраны прызёр чэмпіянату Беларусі: 1999
• Уладальнік Кубка Беларусі (2): 2000, 2002
• У спісе 22 найлепшых ігракоў чэмпіянату Беларусі: 2003