Філіп I Руўрскі

Філіп I Руўрскі (фр.: Philippe de Rouvre; 5 жніўня 1346, Шато дэ Рувес — 21 лістапада 1361, Шато дэ Рувес) — граф Артуа і пфальцграф Бургундыі з 1347, герцаг Бургундыі з 1350, граф Аверні і Булоні з 1360, адзіны сын Жанны (1326—1360), графіні Аверні і Булоні, і Філіпа Мансеньёра (1323—1346), сына бургундскага герцага Эда IV.

Філіп I Руўрскі
Philippe de Rouvre
герцаг Бургундыі 1350 — 1361
Папярэднік	Эд IV Бургундскі
Пераемнік	Іаан II
граф Бургундскі і Артуа 1347 — 1361
Папярэднік	Жанна II Артуа
Пераемнік	Маргарыта I Французская
Нараджэнне	5 жніўня 1346 Rouvres-en-Plaine[d], дэпартамент Кот-д’Ор, рэгіён Бургундыя, Метраполія Францыі, Францыя
Смерць	21 лістапада 1361 (15 гадоў) Rouvres-en-Plaine[d], дэпартамент Кот-д’Ор, рэгіён Бургундыя, Метраполія Францыі, Францыя
Месца пахавання	Сіто[d]
Род	Старэйшы Бургундскі дом[d]
Бацька	Філіп Мансеньёр[d]
Маці	Жанна I[d]
Жонка	Маргарыта III
Дзеці	не
Веравызнанне	каталіцтва
Дзейнасць	манарх
Медыяфайлы на Вікісховішчы

Біяграфія

У 1347 годзе атрымаў у спадчыну ад Жанны II, бабулі па бацькаўскай лініі, графства Артуа і пфальцграфства Бургундскае (Франш-Кантэ). Ад дзеда па бацькаўскай лініі ў 1350 годзе атрымаў у спадчыну Бургундскае герцагства. Ад маці — у 1360 годзе графствы Авернь і Булонь.

Герб Філіпа I

Быў жанаты (21 сакавіка 1356 года) на Маргарыце Дамп’ер. Памёр бяздзетным.

Філіп стаў апошнім бургундскім герцагам з дынастыі Капетынгаў. Праз два гады пасля яго смерці, у 1363 годзе кароль Францыі Іаан II Добры перадаў герцагства свайму сыну Філіпу II Смеламу, з дынастыі Валуа.

Графства Артуа і пфальцграфства Бургундскае адышлі яго цётцы Маргарыце Французскай.

Спасылкі

Біяграфія (ням.)