Харысан Дылард

Уільям Харысан Дылард (англ.: William Harrison Dillard; 8 ліпеня 1923, Кліўленд, Агая — 15 лістапада 2019, там жа) — амерыканскі лёгкаатлет-спрынтар, чатырохразовы алімпійскі чэмпіён.

Харысан Дылард
англ.: Harrison Dillard
Агульная інфармацыя
Пол	мужчынскі пол
Імя пры нараджэнні	англ.: William Harrison Dillard
Спецыялізацыя	спрынт[d]
Нарадзіўся	8 ліпеня 1923(1923-07-08) Кліўленд, акруга Каяхога[d], Агая, ЗША
Памёр	15 лістапада 2019(2019-11-15) (96 гадоў) Кліўленд, акруга Каяхога[d], Агая, ЗША
Грамадзянства	ЗША
Альма-матар	Універсітэт Болдуіна-Уолеса[d] Усходняя тэхнічная вышэйшая школа[d]
Рост	178 см
Вага	69 кг
IAAF	14347643
Медыяфайлы на Вікісховішчы

Біяграфія

Займацца спортам пачаў падчас навучання ў каледжы. Удзельнік Другой сусветнай вайны, прымаў удзел у баях італьянскай кампаніі. Пасля вайны працягнуў займацца лёгкай атлетыкай. У 1947 годзе скончыў навучанне ў каледжы Болдуіна-Уолеса.

У 1974 годзе быў уключаны ў Залу славы лёгкай атлетыкі ЗША.

Спартыўная кар’ера

Алімпійскія гульні 1948 года

На Алімпіядзе ў Лондане выйграў дыстанцыю 100 метраў з алімпійскім рэкордам — ​​10,3 сек., абыграўшы па выніку фотафінішу свайго суайчынніка Барні Эвела.

7 жніўня 1948 г. у складзе квартэта стаў пераможцам эстафеты 4 × 100 метраў, стаўшы двухразовым алімпійскім чэмпіёнам.

Алімпійскія гульні 1952 года

На Алімпійскіх гульнях у Хельсінкі стаў пераможцам на дыстанцыі 110 метраў з бар’ерамі, а таксама паўтарыў свой поспех у эстафеце 4 × 100 метраў, стаўшы чатырохразовым алімпійскім чэмпіёнам.