Цынкавыя хлопчыкі
«Цынкавыя хлопчыкі» (руск.: Цинковые мальчики) — дакументальная кніга савецкай і беларускай пісьменніцы Святланы Алексіевіч, прысвечаная Афганскай вайне.
| Цынкавыя хлопчыкі | |
|---|---|
| Жанр | Дакументальная проза |
| Аўтар | Святлана Алексіевіч |
| Мова арыгінала | руская |
| Дата першай публікацыі | 1989 |
| Цыкл | Галасы Утопіі[d] |
| Папярэдні | Апошнія сведкі[d] |
| Наступны | Чарнобыльская малітва: Хроніка прышласці: Дак. аповесць |
У кнізе раскрываюцца праўдзівыя рэальныя жыццёвыя сюжэты пра афганскую вайну ва ўспамінах тых, чыё жыццё гэта вайна падзяліла на «да» і «пасля». С. Алексіевіч асвятляе гісторыю апошніх гадоў савецкай улады, канчаткова падарванай гэтай вайной. Яна апісвае бясконцае гора маці «цынкавых хлопчыкаў», іх жаданне ведаць праўду пра тое, як і за што ваявалі і гінулі ў Афганістане іх сыны. Не ўсё ў СССР жадалі чуць такую праўду — кнігу Алексіевіч судзілі «за паклёп», супраць яе выступалі ў прэсе.
Сюжэт правіць
У кнізе ў жанры дакументальна-мастацкай прозы сабраны ўспаміны сябровак, матак і жонак савецкіх салдатаў — загінулых маладых хлопцаў, якія прынялі ўдзел у спецаперацыі СССР у Афганістане. Аўтар не называе імёнаў сваіх суразмоўцаў — адны прасілі аб тайне споведзі, іншых яна спрабуе абараніць ад жорсткіх папрокаў.