Чаны

Чаны́, Вялікія Чаны (руск.: Чаны́, Большие Чаны) — бяссцёкавае салёнае возера ў Барабінскай нізіне на тэрыторыі Новасібірскай вобласці Расіі. Самае вялікае возера Заходняй Сібіры.

Чаны
руск.: Чаны
Выгляд з космасу
Морфаметрыя
Вышыня над узроўнем мора	106 м
Даўжыня	91 км
Шырыня	88 км
Плошча	1400—2000 км²
Аб’ём	4,3 км³
Найбольшая глыбіня	7 м
Сярэдняя глыбіня	2 м
Гідралогія
Салёнасць	0,8—20 ‰
Басейн
Плошча вадазбору	117 000 км²
Упадаюць	Каргат, Чулым
Размяшчэнне
Краіна	Расія
Рэгіён	Новасібірская вобласць
Чаны
Чаны
Ідэнтыфікатары
ДВР	13020000611115200011597
Медыяфайлы на Вікісховішчы

Месціцца ў катлавіне. Узнікла пасля апошняга ледавіковага перыяду. Падзяляецца на малы і вялікі плёсы. Плошча паверхні вагаецца і складае прыкладна ад 1400 да 2000 км² у залежнасці ад сезонных і гадавых ваганняў узроўню вады. Даўжыня 91 км, найбольшая шырыня 88 км. Найбольшая глыбіня возера 10 м, сярэдняя каля 2 м. Мінералізацыя вады 0,8—20 г/л. Берагі возера нізкія. Берагавая лінія звілістая. На возеры каля 70 астравоў. Пратокай злучаецца з возерам Малыя Чаны. У Чаны ўпадаюць рэкі Каргат і Чулым (упадае ў Малыя Чаны). Жывіцца возера вадой пераважна за кошт атмасферных ападкаў (53–56 %).

Возера насяляюць 16 відаў рыб, на берагах гняздуюцца птушкі. Выкарыстоўваецца для рыбалоўства, развіты мясцовы турызм.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 478. — 538 с. — 100 000 экз. (руск.)
• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 216.

Спасылкі

• Государственный водный реестр РФ (руск.)
• Научно-популярная энциклопедия «Вода России» (руск.)
• Неафіцыйны сайт (руск.)