Чарлес Арангіс

Чарлес Арангіс
Чарлес Арангіс
Агульная інфармацыя
Поўнае імя	Чарлес Марыяна Арангіс Сандаваль
Мянушкі	El Principe (Прынц), Charles Mariano, Sir Charles
Нарадзіўся	17 красавіка 1989[…] (35 гадоў); Пуэнтэ-Альта[d], правінцыя Кардыльера[d], сталічны рэгіён Сант’яга[d], Чылі;
Грамадзянства	Чылі
Рост	172 см
Вага	67 кг
Пазіцыя	паўабаронца
Інфармацыя пра клуб
Клуб	Інтэрнасьянал
Маладзёжныя клубы
2000—2001	Універсідад дэ Чылі
2002—2005	Кабрэлоа
Клубная кар’ера
2023—	Інтэрнасьянал
Нацыянальная зборная
Узнагароды і медалі
	Кубкі канфедэрацый
Срэбра	Расія 2017
	Кубак Амерыкі
Золата	Чылі 2015
Золата	ЗША 2016
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 красавіка 2023. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 красавіка 2023 ;
	Медыяфайлы на Вікісховішчы

Ча́рлес Марыя́на Ара́нгіс Сандава́ль (ісп.: Charles Mariano Aránguiz Sandoval; нар. 17 красавіка 1989, Пуэнтэ-Альта, Чылі) — чылійскі футбаліст, паўабаронца бразільскага клуба «Інтэрнасьянал» з Порту-Алегры і нацыянальнай зборнай Чылі. Футбаліст Чылі 2012 года.

Кар’ера правіць

Чарлес Арангіс з’яўляецца выхаванцам футбольнае школы «Універсідад дэ Чылі» і «Кабрэлоа», куды патрапіў ва ўзросце 13 гадоў. У апошнім клубе ён і дэбютаваў на прафесійным узроўні ў 2006 годзе ў матчы чэмпіянату Чылі супраць клуба «Кабрэсаль». У наступным годзе ён выступаў за гэту каманду на правах арэнды, пасля чаго вярнуўся ў «Кабрэлоа». У 2009 годзе Чарлес далучыўся да клуба «Кола-Кола», дзе стаў адным з лідараў каманды.

У чэрвені 2010 года Арангіс падпісаў кантракт з аргенцінскім клубам «Кільмес». Аднак 18 студзеня 2011 года перайшоў у склад «Універсідад дэ Чылі». Са студзеня 2014 года выступаў за бразільскі «Інтэрнасьянал».

Пасля паспяховага выступу на Кубку Амерыкі 2015, калі Арангіс разам са зборнай Чылі стаў чэмпіёнам, цікавасць да паўабаронцы стаў праяўляць шэраг еўрапейскіх клубаў. 13 жніўня 2015 года было афіцыйна абвешчана аб пераходзе Арангіса ў леверкузенскі «Баер 04»^[3].

У красавіку 2023 года вярнуўся ў «Інтэрнасьянал».