Чыжэвіцкі сельсавет
Чыжэ́віцкі сельсавет — адміністрацыйна-тэрытарыяльная адзінка ў складзе Салігорскага раёна Мінскай вобласці. Цэнтр — аграгарадок (да 2009 г. вёска) Жабін.
| Чыжэвіцкі сельсавет | |
|---|---|
| Краіна |
 Беларусь |
| Уваходзіць у | Салігорскі раён |
| Уключае | 34 населеныя пункты |
| Адміністрацыйны цэнтр | Жабін |
| Дата ўтварэння | 20 жніўня 1924 |
| Насельніцтва (2019) | 2 319 |
| Часавы пояс | UTC+03:00 |
| Код аўтам. нумароў | 5 |
Утвораны 20 жніўня 1924 года ў складзе Старобінскага раёна Слуцкай акругі БССР. Цэнтр — вёска Чыжэвічы. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Старобінскім раёне БССР. З 1935 года ў Старобінскім раёне Слуцкай акругі. Пасля ўвядзення абласнога падзелу 20 лютага 1938 года ў Старобінскім раёне Мінскай вобласці. З 20 верасня 1944 года па 8 студзеня 1954 года ў складзе Бабруйскай вобласці. 8 жніўня 1959 года ўтвораны рабочы пасёлак Салігорск, у яго склад пералічана вёска Вішнёўка[1]. З 25 снежня 1962 года — у складзе Любанскага раёна, з 6 студзеня 1965 года — у Салігорскім раёне. 23 лютага 1978 года пасёлак Пакроўка ўключаны ў склад Салігорска[2]. 30 кастрычніка 2009 года да сельсавета далучаны часткі скасаваных Чапялёўскага (вёскі Бранчыцы, Глядкі, Куляшы, Шабунькі) і Пагосцкага сельсаветаў (вёскі Залессе, Застарынне, Кутнева, Мяцявічы, Пагост 1, Пагост 2, Сяльцо)[3].
Насельніцтва сельсавета паводле перапісу 2009 года (23 населеныя пункты) — 1250 чалавек[4], з іх 90,8 % — беларусы, 6,8 % — рускія, 0,9 % — украінцы[5]; паводле перапісу 2019 года (34 населеныя пункты) — 2319 чалавек[6].
Зноскі
- ↑ Указ Прэзідыума Вярхоўнага Савета Беларускай ССР ад 8 жніўня 1959 г. № 187 Аб утварэнні на тэрыторыі Старобінскага раёна Мінскай вобласці рабочага пасёлка Салігорск // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1959, № 9.
- ↑ Указ Прэзідыума Вярхоўнага Савета Беларускай ССР ад 23 лютага 1978 г. №1810-IX Аб уключэнні ў гарадскую мяжу горада Салігорска пасёлка Пакроўка Чыжэвіцкага сельсавета Салігорскага раёна// Зборнік законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 6 (1560)
- ↑ Решение Минского областного Совета депутатов от 30 октября 2009 г. № 219 Об изменении административно-территориального устройства Минской области Архівавана 25 кастрычніка 2020.
- ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Мінскай вобласці Беларусі паводле перапісу 2019 года
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.