Эвернія

	Эвернія
	; Эвернія слівавая (Evernia prunastri)
Навуковая класіфікацыя
Дамен:	Эўкарыёты
Царства:	Грыбы
Падцарства:	Вышэйшыя грыбы
Аддзел:	Аскамікота
Пададдзел:	Pezizomycotina
Клас:	Lecanoromycetes
Падклас:	Lecanoromycetidae
Парадак:	Леканаральныя
Сямейства:	Пармеліевыя
Падсямейства:	Parmelioideae
Род:	Эвернія
Міжнародная навуковая назва
	Evernia
Сінонімы
	Everniomyces Cif. & Tomas., ; Hologymnia Nyl.
ITIS	190657
NCBI	87256
EOL	22708
MB	1954

Эве́рнія (Evernia) — род кусцістых лішайнікаў сямейства Пармеліевыя (Parmeliaceae).

Апісанне правіць

Слаявіна даўжынёю 5—30 см, прымацавана да субстрату слаба выяўленай асновай або ляжыць свабодна. Мае зеленаваты, шаравата-белаваты ці жаўтаваты колер. Лопасці мяккія, вуглавата-акруглыя або плоскія, стужкападобныя, са шматлікімі сарэдыямі па краі. Пладовыя целы (апатэцыі) утвараюцца рэдка. Сумкі падоўжаныя, споры яйцападобныя.

Віды і экалогія правіць

Адрозніваецца 10 відаў. Пашыраны ўсюды. На Беларусі 3 віды: эвернія мезаморфная (Evernia mesomorpha), распасцёртая (Evernia divaricata) і слівавая (Evernia prunastri). Трапляюцца на кары дрэў, гнілой драўніне, глебе.

Значэнне правіць

3 эверніі слівавай (т.зв. «дубовы мох») атрымліваюць сыравіну для антыбіятычнага прэпарату «Эвазін», на аснове канцэнтраванага спіртавога экстракту вырабляюць духі, адэкалон, пудру, крэмы, мыла і інш.

Літаратура правіць

Эвернія // БЭ ў 18 т. Т. 18. Кн. I. Мн., 2003.