Эрнст Барлах (ням.: Ernst Barlach; 2 студзеня 1870, Ведэль, Гольштэйн — 24 кастрычніка 1938, Ростак) — выбітны нямецкі скульптар, мастак і пісьменнік. Рэаліст і экспрэсіяніст.

Эрнст Барлах
ням.: Ernst Barlach
Фатаграфія
Дата нараджэння 2 студзеня 1870(1870-01-02)[1][2][…]
Месца нараджэння
Дата смерці 24 кастрычніка 1938(1938-10-24)[4][1][…] (68 гадоў)
Месца смерці
Грамадзянства
Дзеці Nikolaus Barlach[d]
Род дзейнасці скульптар, мастак-гравёр, пісьменнік, драматург, ілюстратар
Жанр скульптура / графіка
Вучоба
Мастацкі кірунак югендстыль, рэалізм, экспрэсіянізм
Уплыў Robert Diez[d]
Член у
Узнагароды прэмія Клейста (1924)
Подпіс Выява аўтографа
Лагатып Вікісховішча Медыяфайлы на Вікісховішчы

Біяграфія і творчасць правіць

Вучыўся ў Гамбургу, Дрэздэне, Парыжы. У ранніх скульптурах, кераміцы, графіцы быў блізкі да югендстылю. У 1909 годзе працаваў у Фларэнцыі. Звярнуўся да нямецкай готыкі, якая аказала вырашальнае ўздзеянне на стыль яго спелых работ. У 1910 годзе пасяліўся ў Гюстраве, дзе пражыў усё астатняе жыццё.

З патрыятычных пачуццяў падтрымаў сусветную вайну, у 1915—1916 гадах ваяваў у пяхоце, вярнуўся з фронту перакананым пацыфістам. Набыў шырокую вядомасць, быў прыняты ў члены Прускай акадэміі мастацтваў (1919), Мюнхенскай мастацкай акадэміі (1925), атрымаў прэмію Клейста (1924). Ілюстраваў «Фаўст» Гётэ (1923). Пасля прыходу нацыстаў да ўлады антываенны пафас работ Барлаха прыйшоў у сутыкненне з мілітарысцкім духам «новай Германіі». У 1937 годзе работы скульптара былі канфіскаваныя з музеяў, цэркваў і іншых грамадскіх месцаў і асуджаныя як «дэгенерацыйнае мастацтва». У 1938 годзе Барлах быў вымушаны выйсці з Прускай Акадэміі Мастацтваў. Апошнім часам ён цяжка хварэў.

Зноскі

Літаратура правіць

  • БЭ ў 18 тамах. Т.2, Мн., 1996, С.310

Спасылкі правіць