Юрый Міхайлавіч Віннік
Юрый Міхайлавіч Віннік[1] (руск.: Юрий Михайлович Винник); 10 мая 1923 — 27 мая 1995) — удзельнік Вялікай Айчыннай вайны, Герой Савецкага Саюза (1944).
| Юрый Міхайлавіч Віннік | ||||||
|---|---|---|---|---|---|---|
| руск.: Юрий Михайлович Винник | ||||||
| Дата нараджэння | 10 мая 1923 | |||||
| Месца нараджэння | ||||||
| Дата смерці | 27 мая 1995 (72 гады) | |||||
| Месца смерці | ||||||
| Месца пахавання | ||||||
| Альма-матар | ||||||
| Грамадзянства | ||||||
| Прыналежнасць | СССР | |||||
| Род войскаў | артылерыя[d] | |||||
| Гады службы | 1941—1945 | |||||
| Званне | капітан | |||||
| Бітвы/войны | ||||||
| Узнагароды і званні |
|
|||||
Біяграфія правіць
Нарадзіўся ў горадзе Армавір Кубана-Чарнаморскай вобласці[1] РСФСР (зараз у Краснадарскім краі Расіі). У 1940 годзе скончыў сярэднюю школу ў Армавіры і паступіў вучыцца ў Краснадарскі інстытут харчовай прамысловасці. У 1941 годзе прызваны ў Чырвоную Армію і накіраваны на вучобу ў Сумскае ваеннае артылерыйскае вучылішча. У пачатку Вялікай Айчыннай вайны ў складзе курсанцкага атрада асобага прызначэння ўдзельнічаў у баях пад Варажбой і Белаполлем. У снежні 1941 г., пасля расфарміравання атрада, разам з іншымі курсантамі быў вернуты ў вучылішча, эвакуіраванае на гэты час у горад Ачынск. Пасля сканчэння вучобы ў маі 1942 года лейтэнант Віннік быў накіраваны ў 973-і артылерыйскі полк 160-й стралковай дывізіі Заходняга фронту. Камандаваў агнявым ўзводам, артылерыйскай батарэяй. Прымаў удзел у баях пад Масквой, вызваленні Смаленскай вобласці, Беларусі, Украіны. У жніўні 1942 года батарэя пад камандаваннем Ю. М. Вінніка вызначылася ў баях на рацэ Угра. У 1943 годзе быў прыняты ў ВКП(б).
Артылерыйская батарэя 973-га артылерыйскага палка 160-й стралковай дывізіі 70-й арміі 1-га Беларускага фронту вызначылася пры вызваленні Брэсцкай вобласці і горада Брэста, фарсіраванні рэк Прыпяць і Заходні Буг, удзельнічала ў вызваленні Польшчы, ва Усходне-Памеранскай аперацыі і акружэнні Торуньскай групоўкі праціўніка. У сакавіку 1945 года ў раёне горада Данцыг Ю. М. Віннік быў цяжка паранены і пасля лячэння звольнены з ваеннай службы.
У 1951 годзе скончыў Маскоўскі дзяржаўны інстытут міжнародных адносін і знаходзіўся на партыйнай і дыпламатычнай рабоце, у тым ліку у пасольстве СССР на Цэйлоне. У 1960 годзе скончыў Акадэмію грамадскіх навук пры ЦК КПСС. У 1961 годзе абараніў кандыдацкую дысертацыю на тэму «Далёкаўсходнія праблемы ў амерыкана-індыйскіх адносінах (1950—1953 гг.)»[1], атрымаў ступень кандыдата гістарычных навук і пачаў педагагічную дзейнасць. У 1973—1991 гг. на пасадах дацэнта, намесніка загадчыка кафедрай у Інстытуце грамадскіх навук пры ЦК КПСС. У 1991 годзе Ю. М. Віннік выйшаў на пенсію.
Жыў у Маскве. Памёр 27 мая 1995 года. Пахаваны ў закрытым калумбарыі Ваганькаўскіх могілак.
Узнагароды і званні правіць
- Медаль «Залатая Зорка»
- Ордэн Леніна
- Ордэн Аляксандра Неўскага
- 2 ордэны Айчыннай вайны 1-й ступені
- медалі
- Ганаровы грамадзянін горада Брэста (1984).
Памяць правіць
У чэрвені 2009 года рашэннем Брэсцкага гарадскога выканаўчага камітэта імя Ю. М. Вінніка прысвоена адной з вуліц мікрараёна «Паўднёвы»[1]. У фондах Брэсцкага абласнога краязнаўчага музея захоўваюцца яго ўспаміны аб вызваленні Брэста[1].
Зноскі
Літаратура правіць
- Долготович Б. Д. Почётные граждане белорусских городов: биограф. справочник / Б. Д. Долготович. — Мн.: Беларусь, 2008. — 368 с. — 2 000 экз. — ISBN 978-985-01-0784-8. (руск.)
Спасылкі правіць
- Винник Юрий Михайлович Архівавана 30 жніўня 2020. (руск.) // Сайт Брэсцкага гарадскога выканаўчага камітэта
- Краязнаўства Берасцейшыны // Брэсцкая абласная бібліятэка імя М. Горкага
- Павленко И. А. Герой Советского Союза Юрий Михайлович Винник (1923—1995 гг.) (руск.)
- Винник Юрий Михайлович (руск.) на сайце «Героі краіны»