Янка Купала. Кругі раю (спектакль)
«Янка Купала. Кругі раю» — спектакль, пастаўлены рэжысёрам Святланай Навуменка ў Рэспубліканскім тэатры беларускай драматургіі і прымеркаваны да 130-годдзя з дня нараджэння Янкі Купалы. Прэм’ера адбылася 2 лютага 2012 года.[1]
| «Янка Купала. Кругі раю» | |
|---|---|
| Жанр | дакументальная алегорыя |
| Заснаваны на | жыцці і творах Янкі Купалы |
| Аўтар | Святлана Навуменка |
| Кампазітар | Віталь Суддзін |
| Рэжысёр | Святлана Навуменка |
| Мастак-пастаноўшчык | Юрый Саламонаў |
| Харэограф | Вольга Скварцова-Кавальская |
| Акцёры |
Дзяніс Паршын Аляксандр Марчанка Вераніка Буслаева Дзяніс Варанцоў і інш. |
| Працягласць | 105 хв. |
| Краіна | Беларусь |
| Мова | беларуская |
| Год | 2 лютага 2012 |
| Пастаноўкі | Рэспубліканскі тэатр беларускай драматургіі |
Творчая задума і гісторыя стварэння правіць
У вырашэнні пастаноўкі выкарыстоўваецца актыўны музычны і пластычны шэраг, жывое вакальнае выкананне, гратэск і алегорыя. Спектакль уяўляе сабой поўнамаштабную гістарычную драму, у якой занята каля чатырнаццаці дзеючых асоб.[2]
Мастацкі кіраўнік тэатру Валерый Анісенка, выступаючы перад грамадскім праглядам спектаклю, адзначыў, што загадзя папрасіў рэжысёра С. Навуменка падумаць над магчымасцю пастаноўкі спектаклю пра Я. Купалу і прысвяціць новы твор не юбілею, а тэатру. Аўтарам тэксту ў «Кругах раю» выступіла сама рэжысёр.[3]
Спектакль спрабуе расказаць гісторыю жыцця Янкі Купалы нанова, пераплятаючы рэальны свет з творчасцю. У аснову спектаклю пакладзеныя раннія вершы, паэма «Бандароўна», газетныя публікацыі, лісты і нават пратаколы допытаў народнага паэта Беларусі. Каб сабраць усе звесткі ў адзінае пайшло паўтара года рэжысёрскай працы. У выніку атрымалася не проста хроніка: ёсць і фантастычныя моманты, драматург увяла ў спектакль персанажаў твораў паэта[4].
|
Як у каханні значную ролю заўжды адыгрывае ўласна прадчуванне пачуцця, так для Купалы — час прадчування змен быў самым важным і натхняючым. І, магчыма, самым шчаслівым перыядам у жыцці… С. Навуменка, аўтар і рэжысёр спектаклю[5] |
|
Акцёры правіць
- Дзяніс Паршын — Паэт
- Аляксандр Марчанка, Максім Паніматчанка — Прадстаўнік улады
- Вераніка Буслаева — Жонка паэта, Бандароўна
- Дзяніс Варанцоў — Князь
- Ганна Маслоўская — Маці паэта
- Віктар Багушэвіч — Бацька паэта, Ксёндз
- Кірыл Навіцкі, Сяргей Шымко — Чырвоны камандзір, Ахоўнік
- Анастасія Баброва — Жняя
- Алена Баярава, Марыя Пятровіч, Людміла Сідаркевіч, Наталля Халадовіч, Бела Шпінер — Жаночыя істоты
- Ігар Вяпшкоўскі, Цімафей Ткачоў, Кірыл Навіцкі, Сяргей Юрэвіч, Сяргей Шымко — Вяскоўцы, Чырвонаармейцы[2]
Водгукі правіць
|
|
[…] у «Кругах раю» прысутнічаюць цікавыя рэжысёрскія знаходкі. Напрыклад, перамога Кастрычніцкай рэвалюцыі вобразна перададзеная праз велізарны чырвоны сцяг, які займае ўсю сцэну і падзяляе Янку Купалу і яго жонку. Метафарычна і надзвычай глыбока пераасенсоўваецца лёс Беларусі, падзеленай пасля Рыжскага мірнага дагавора: сімвалам краіны становіцца жняя, згвалтаваная салдатамі. Але разам з тым спектаклю відавочна не хапіла цэласнасці. С. Навуменка паспрабавала ахапіць неабдымнае: грамадскае і сямейнае жыццё паэта, яго дзяцінства і сталасць, трагізм і гумар, рысы драматычнага спектаклю, чытанне вершаў і выкананне песняў. У выніку гледачы пабачылі на сцэне лебедзя, рака і шчупака, якія банальна распаўзліся ў розныя бакі. Дз. Марціновіч[3] |
|
Зноскі
- ↑ Янка Купала. Кругі раю (анонс спектаклю)(недаступная спасылка). interfax.by. Архівавана з першакрыніцы 25 сакавіка 2016. Праверана 1 студзеня 2013.
- ↑ а б Янка Купала. Кругі раю (інфармацыя аб спектаклі)(недаступная спасылка). Рэспубліканскі тэатр беларускай драматургіі. Архівавана з першакрыніцы 20 студзеня 2013. Праверана 1 студзеня 2013.
- ↑ а б Дзяніс Марціновіч У крузе першым: Янка Купала на сцэне РТБД // Настаўніцкая газета. — Мінск: 3 сакавіка 2012. — № 28. — С. 12. Архівавана з першакрыніцы 4 красавіка 2012.
- ↑ Іна Пілевіч. Спектакль пад назвай «Янка Купала. Кругі раю» дадуць сёння ў Рэспубліканскім тэатры беларускай драматургіі. Культура. Белтэлерадыёкампанія (2 лютага 2012). Праверана 6 лістапада 2012.(недаступная спасылка)
- ↑ Дар’я Амяльковіч Стыльны класік // Культура : Газета. — 7 ліпеня 2012. — № 27 (1049). — С. 9.
Літаратура правіць
- Дзяніс Марціновіч У крузе першым // Настаўніцкая газета. — 3 сакавіка 2012. — № 28. — С. 12.(недаступная спасылка)
Спасылкі правіць
- Старонка спектаклю Архівавана 20 студзеня 2013. на сайце Рэспубліканскага тэатра беларускай драматургіі
- Інфармацыя аб спектаклі Архівавана 3 лістапада 2012. на сайце afisha.tut.by Архівавана 7 красавіка 2013.
- Дз. Марціновіч. У крузе першым: Янка Купала на сцэне РТБД Архівавана 4 красавіка 2012. на сайце ARCHE (руск.)