Яўген Святаполк-Мірскі
Айцец Яўге́н Святапо́лк-Мі́рскі (польск.: Eugeniusz Światopełk-Mirski), свецкае імя Лявон[1] (3 красавіка 1876[2] — 28 лютага 1918, Магілёў) — каталіцкі святар.
Яўген Святаполк-Мірскі | |
---|---|
польск.: Eugeniusz Światopełk-Mirski | |
Адукацыя | |
Імя пры нараджэнні | Лявон Святаполк-Мірскі |
Нараджэнне | 3 красавіка 1876 |
Смерць |
28 лютага 1918 (41 год) |
Пахаванне | |
Дынастыя | Святаполк-Мірскія |
Бацька | Яўген Святаполк- Мірскі[d] |
Біяграфія правіць
Нарадзіўся ў 1876 годзе ў шляхецкай сям’і Святаполк-Мірскіх. Пачатковую адукацыю атрымаў дома, пэўны час навучаўся ў прыватнай сямікласай рэальнай вучылішча ў Санкт-Пецярбургу. У 1891 годзе паступіў у Магілёўскую рымска-каталіцкую духоўную семінарыю ў Пецярбургу[3] (скончыў у 1896). Рукапакладзены ў святары ў 1906 годзе магілёўскім дапаможным біскупам Францішкам Альбінам Сыманам.
У 1902—1904 гадах працаваў вікарным святаром у Табольску, у 1903 пераведзены ў Краснаярск[4]. З 1906 — выкладчык катэхізісу ў гімназіях Гомелю, з 1910 — зноў у Краснаярску. З 1912 года быў выкладчыкам у дзявочай французскай гімназіі ў Пецярбургу. У тым жа годзе пераведзены ў Магілёў, дзе стаў настаяцелем кафедры і дэканам.
8 лютага 1918 года па загаду народных камісараў Магілёву Аронава, Гольдмана і Гольдберга арыштаваны бальшавікамі і абвінавачаны ў контррэвалюцыйнай дзейнасці, дапамозе польскім войскам, прыналежнасці да ПВА і ўкрывальніцтве польскіх салдат. 28 лютага старшыня Магілёўскага губернскага выканкама Савета рабочых, салдацкіх і сялянскіх дэпутатаў Міхаіл Гольдман перадаў ксяндза рэвалюцыйнаму трыбуналу, які прысудзіў Святаполк-Мірскага да НМП. У час вынясення прысуду прысутныя парафіяне ўзнялі верхал і паспрабавалі адбіць святара, у адказ салдаты адкрылі вагонь, забіўшы і параніўшы некалькі чалавек. Святара і яшчэ двух затрыманых тады ж вывезлі па-за горад і пасля катаванняў расстралялі. Існуе паданне, як перад расстрэлам бальшавікі патрабавалі, каб ксёндз адрокся ад веры, на што той адказаў: «Цела забіць можаце, але душу не заб’яце»[5].
Наступнага дня цела святара было выяўленае з пяццю вагняпальнымі і чатырма нажавымі ранамі, разбітай галавою і зламанымі рукамі. Улады забаранілі адпяванне, дазволіўшы толькі захаваць цела на месцы расстрэлу. Пасля ўваходу ў Магілёў польскага войска генерала Юзафа Доўбар-Мусніцкага цела было перапахавана на мясцовых каталіцкіх могілках.
У кафедральным касцёле Святога Станіслава ўстаноўлена мемарыяльная дошка ў памяць аб святарах-пакутніках, сярод якіх згадваецца і Святаполк-Мірскі[6].
Зноскі
- ↑ Дом ксёндза (руск.). Викизнание (17 студзеня 2014). Праверана 28 лютага 2018.
- ↑ M.J. Minakowski.. Eugeniusz Światopełk-Mirski h. Białynia (odm.) (польск.). Genealogia potomków Sejmu Wielkiego. Праверана 28 лютага 2018.
- ↑ Гришанова, Людмила. Расстрелян с чётками в руках (руск.)(недаступная спасылка). Могилёвская правда (31 жніўня 2016). Архівавана з першакрыніцы 30 красавіка 2019. Праверана 28 лютага 2018.
- ↑ Панич, Светлана. Хроника прихода (руск.)(недаступная спасылка). Римско-католический приход Преображения Господня г. Красноярск. Архівавана з першакрыніцы 30 красавіка 2019. Праверана 28 лютага 2018.
- ↑ «Закладнік бальшавікоў». 100 гадоў таму ў Магілёве забілі ксяндза Яўгена Сьвятаполк-Мірскага
- ↑ «Закладнік бальшавікоў». 100 гадоў таму ў Магілёве забілі ксяндза Яўгена Сьвятаполк-Мірскага
Літаратура правіць
- Книга памяти. Мартиролог католической церкви в СССР / о. Б. Чаплицкий, И. Осипова. — М.: Серебряные нити, 2000. — 832 с. — 1 000 экз. — ISBN 5-89163-048-6.
Спасылкі правіць
- Святар Яўген Святаполк-Мірскі Архівавана 7 сакавіка 2017. (польск.)