.kg

.kg — нацыянальны дамен верхняга ўзроўню для Кыргызстана. Уведзены 12 ліпеня 1995 года і кіруецца тэлекамунікацыйным прадпрыемствам AsiaInfo са штаб-кватэрай у Бішкеку.

Рэгістрацыя ажыццяўляецца на другім і трэцім узроўнях. Існуюць дамены другога ўзроўню .org.kg для некамерцыйных арганізацый, .net.kg для інтэрнэт-правайдараў, .com.kg для камерцыйных кампаній, .edu.kg для акадэмічных устаноў, .gov.kg для ўрада і. mil.kg для ваенных. Увогуле, дамен .kg можа складацца ад 3 да 63 знакаў і толькі з алфавітна-лічбавых знакаў.