50 фільмаў, якія неабходна паглядзець, перш чым памерці
50 фільмаў, якія неабходна паглядзець, перш чым памерці (англ.: 50 Films To See Before You Die) — тэлевізійнае шоу, паказанае 22 ліпеня 2006 года брытанскай тэлевізійнай студыяй Channel 4. Праграма была прымеркаваная да пачатку вяшчання агульнадаступнага эфірнага тэлевізійнага каналу Film4, які прыналежыць студыі, па сетках лічбавага тэлебачання Вялікабрытаніі.
У перадачы было прадстаўлена 50 фільмаў. Стужкі адбіраліся папярэдне ў выніку апытання тэлевізійных крытыкаў, экспертаў і проста гледачоў. Кожны фільм адбіраўся «як узор спецыфічнага жанру або стылю». Фільмы, што выйшлі ў пракат нядаўна, пераважалі над больш даўнімі. На фільмы выпушчаныя ў 2000-х гадах, прыпала 9 намінацый, у 1990-х — дванаццаць, у 1980-х — дзевяць, у 1970-х — таксама дзевяць, і толькі адзінаццаць фільмаў выйшлі на экран да 1970 года.
Пад нумарам 21 у спіс трапіў фільм «Ідзі і глядзі» рэжысера Элема Клімава на сцэнарый Алеся Адамовіча зняты на кінастудыі «Беларусьфільм».