Beretta

Fabbrica D' Armi Pietro Beretta S.p.A.
Fabbrica D' Armi Pietro Beretta S.p.A.
Тып	прыватная
Заснаванне	1526
Заснавальнікі	Барталамеа Берэта
Размяшчэнне	Брэшыя;
Галіна	ваенная прамысловасць[d]
Прадукцыя	агнястрэльная зброя
Матчына кампанія	Beretta Holding[d]
Сайт	beretta.com

Beretta (поўная назва італ.: Fabbrica d'Armi Pietro Beretta Gardone) — адна з галоўных італьянскіх кампаній па вытворчасці зброі. Яе прадукцыя стаіць на ўзбраенні паліцыі і войск у шматлікіх краінах свету, шырока выкарыстоўваецца для самаабароны грамадзянскімі асобамі.

Гісторыя правіць

Берэта — адна з найстарэйшых кампаній свету. Належыць адной самай сям’і ўжо амаль 500 гадоў.

Італьянскі рэгіён Валь-Тромпія (правінцыя Брэшыя) славіўся здабычай жалезнай руды з часоў Рымскай імперыі, на сярэдзіну XVI ст. тут налічвалася 8 чыгуналіцейных прадпрыемстваў і прыкладна 40 жалезаапрацоўчых заводаў. Родная вёска Барталамеа Берэты — Гардонэ-Валь-Тромпі — размешчана прыкладна ў цэнтры Валь-Тромпіі.

Будучая кампанія Beretta заснавана 1526 годзе, калі Барталамеа Берэта (італ.: Bartolomeo Beretta) атрымаў 296 дукатаў за 185 руляў для аркебуз (рахунак за гэтую здзелку захаваўся ў архіве кампаніі).

У 1918 годзе Beretta Model 1918 стаў другім пісталетам-кулямётам у італьянскай арміі.

Пасля далучэння Італіі да Антыкамінтэрнаўскага пакта ў лістападзе 1937 года актывізавалася ваеннае супрацоўніцтва Італіі з Японскай імперыяй. У 1938 годзе Японія заключыла кантракт з трыма італьянскімі фірмамі, уключаючы Берэту, на пастаўку магазінных вінтовак Carcano M1891 (пад японскі вінтовачны патрон 6,5 × 50 мм) для японскага ваеннага флоту.