Helix lutescens
Helix lutescens — наземны бруханогі малюск сямейства геліцыды (Helicidae).
| Helix lutescens | |||||||||||||||||||||||||||||||||||
 | |||||||||||||||||||||||||||||||||||
| Навуковая класіфікацыя | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||||||||||||||||||||
| Міжнародная навуковая назва | |||||||||||||||||||||||||||||||||||
|
Helix lutescens Rossmässler, 1837 | |||||||||||||||||||||||||||||||||||
| |||||||||||||||||||||||||||||||||||
Біялагічнае апісанне правіць
У дарослых асобін вышыня ракавіны вагаецца пераважна ў дыяпазоне ад 23 да 34 мм, а яе шырыня (дыяметр) — ад 24 да 34 мм. Мае каля 4 абаротаў. Ракавіна шарападобна-ваўчкападобная. Моцна адгарнуты край вусця цалкам закрывае пупок або пакідае вузкую шчыліну. Павярхоўная скульптура складаецца з умерана выяўленых радыяльных маршчын і спіральных ліній. Ракавіна бялёсая або жаўтлява-белая, у вусця часам карычняватая; часцяком без цёмных спіральных палос або толькі з іх слядамі. Аднак у асобных папуляцыях можа прысутнічаць значная частка малюскаў з выразна выяўленымі цёмнымі палосамі на ракавіне.
Арэал правіць
Від распаўсюджаны ў басейнах Дуная і Днястра. Насяляе ва Усходняй Еўропе ад Кракава ў Польшчы, усходняй Славакіі і ўсходняй Венгрыі на захадзе, на поўдні да поўначы Сербіі і поўдня Румыніі, на ўсходзе Украіны да вобласці на ўсход ад Кіева і на поўначы ў Беларусі да Брэста. Ва Украіне сустракаецца на Падольскім узвышшы і прылеглых да яго раўнінных, радзей — перадгорных або горных тэрыторыях. На ўсходзе дасягае Вінніцкай і Жытомірскай абласцей, на поўдні — Адэскай вобласці. Адсутнічае ў Закарпацкай вобласці.
Стэпавы від, засяляе адносна сухія і цёплыя біятопы: сухія лугі, хмызнякі, узлескі і да таго падобнае.
Зноскі
Літаратура правіць
- Сверлова Н. В. Наукова номенклатура наземних молюсків фауни України. — Львів, 2003. — 78 с. (укр.)
- Гураль-Сверлова Н. В., Гураль Р. І. Визначник наземних молюсків України. — Львів, 2012. — 216 с. (укр.)