Mars Sample Return Mission

Mars Sample Return Mission — міжпланетная касмічная місія на Марс, мэтай якой з’яўляецца збіранне ўзораў марсіянскага грунту і дастаўка яго на Зямлю для аналізу. Гэта сумесны праект НАСА і ЕКА. Старт місіі першапачаткова быў запланаваны на 2018 год, потым пераносіўся на больш позні тэрмін. Станам на 2023 г. плануецца, што місія стартуе ў 2027 годзе, а на Зямлю ўзоры прыбудуць у 2033 годзе.

Mars Sample Return Mission
Mars Sample Return Mission
Заказчык	НАСА ЕКА
Запуск	2022 год
Ракета-носьбіт	Apэc V, EELV ці Арыян 5
Сайт праекта

Апісанне місіі

Сцэнар правядзення сумеснай місіі НАСА і ЕКА цяпер дакладна невядомы і будзе залежаць ад даты запуску і ракеты-носьбіта. Планавалася, што да 2018 года будуць даступныя дзве ракеты-носьбіты: Evolver Expendable Launch Vehicle (EELV) і Арыян 5.

Місія будзе ўключаць у сябе арбітальны і спускальны апараты. Мэтай арбітальнага апарата будзе дастаўка спускальнага апарата да арбіты Марса і потым дастаўка ўзораў грунту назад на Зямлю. Спускальны апарат будзе мець модуль для пад’ёму грунту на арбіту Марса.

Навуковае выкарыстанне

Дастаўка ўзораў грунту з Марса дазволіць правесці больш глыбокі аналіз і атрымаць значна больш інфармацыі, чым шляхам даследавання іх марсаходамі і іншымі аўтаматычнымі зондамі. Акрамя таго, прысутнасць узораў на Зямлі знішчае ўсе абмежаванні па часу іх даследавання, што дазваляе вывучаць іх яшчэ гады пасля заканчэння місіі.

Над узорамі таксама правядуць лабараторную экспертызу на выяўленне жывых ці мертвых формаў жыцця. Але пытанне аб падтрымцы жыцця на працягу месяцаў падчас транспарціроўкі грунту ад Марса да Зямлі застаецца адкрытым, таму што не вядомы ўмовы, якія для гэтага патрэбны. Калі мёртвыя формы жыцця і будуць знойдзены ў грунце, то будзе цяжка вызначыць, ці былі яны жывымі ў момант збору ўзораў.

Гл. таксама

• Марс-79

Зноскі

• На Вікісховішчы ёсць медыяфайлы па тэме Mars Sample Return Mission