Melanargia galathea

Melanargia galathea — від дзённых матылькоў сямейства Аксамітніцы.

Melanargia galathea
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Сямейства:  Німфаліды Падсямейства:  Аксамітніцы Трыба:  Satyrini Падтрыба:  Melanargiina Род:  Melanargia Від:  Melanargia galathea
Міжнародная навуковая назва
Melanargia galathea
Сістэматыка на Віківідах Выявы на Вікісховішчы NCBI   111923 EOL   134613

Біялагічнае апісанне

Даўжыня пярэдніх крылаў складае ад 2,6 да 2,8 см, на верхнім баку маецца чорна-белы малюнак, падобны з шахматнай дошкай. У самак больш светлы, жоўты ніз крылаў, акрамя таго, яны буйней самцоў. Для Цэнтральнай Еўропы наўрад ці характэрны хоць бы адзін від з падобнай афарбоўкай, аднак у Паўднёвай Еўропе, Паўночнай Афрыцы і Малой Азіі існуюць падобна афарбаваныя віды.

• 
  ♂
• 
  ♂ △
• 
  ♀
• 
  ♀ △

Арэал

Від аддае перавагу адкрытай мясцовасці Еўропы. Адсутнічае ў Даніі, на поўдні Іспаніі, Партугаліі і Францыі, а таксама ў Фінляндыі. Лётае ў Паўночнай Афрыцы, на ўсходзе даходзіць да Ірана. Лётае на сухіх схілах, прагалінах, лясных дарогах, у пагорыстай мясцовасці з вапняковымі глебамі і ў гарах на вышыні да 2000 м. Актыўны ў гарачыя дні, асабліва апоўдні, лётаючы, часта садзіцца на кветкі роду Knautia.

Размнажэнне

Ніжні бок крылаў самкі.

Адкладае яйкі, выкідваючы іх на вецер або сядаючы на невысокую апору і раскідваючы на сцёблы травы. Пасля вылуплівання з яек лічынкі адразу ж упадаюць у спячку і пачынаюць кармленне толькі вясной, калі падрастае свежая трава.

Зялёны вусень, з некалькімі светлымі падоўжнымі палоскамі і рэдкімі валасінкамі, з цёмнай спіной і чырванаватай бакавой паласой, чырвонай галавой і чырвонымі жа «хвосцікамі»; корміцца выключна па начах, днём хаваецца ў траве і сярод каранёў. Увесь дыяпазон іх корму невядомы, але ўстаноўлена, што між іншым харчуюцца мяккімі метлюжковымі, такімі як Festuca rubra, цімафееўка, смарганец, пырнік, купкоўка і іншымі.

Кукалка яйкападобная, гладкая, жаўтлявага колеру, нясе дзве прыўзнятыя кропкі па баках тулава. Дарослыя асобіны выводзяцца ў канцы чэрвеня ў падыходным для гэтага цёплым месцы, у сонечнае надвор'е сярод кончыкаў травы можна заўважыць тысячы трапяткіх кукалак матылькоў.

Варыябельнасць

Від вельмі зменлівы. Для Паўночнай Афрыкі характэрны падвід lucasi Ramb, для паўднёвай частцы арэалу — procida Herbst з рэдукаваным светлым малюнкам на крылах.