Вікіпедыя

UNIFIL

Часовыя сілы ААН у Ліване (ЧСААНЛ, англ.: UNIFIL, аббр. United Nations Interim Force In Lebanon) — міратворчыя сілы ААН, размешчаныя ў паўднёвым Ліване (горад Накуру), на мяжы з Ізраілем у адпаведнасці з Рэзалюцыяй Савета Бяспекі ААН № 425 ад 19 сакавіка 1978 года, якая працягвацца кожныя паўгода часовым мандатам.

Першапачатковая колькасць міратворчага кантынгенту ААН (4 тыс. чал.) і тэрміны знаходжання (шэсць месяцаў) былі вызначаны рэзалюцыяй Савета Бяспекі ААН № 426 ад 19 сакавіка 1978 года. Асноўнымі функцыямі кантынгенту ААН з’яўляліся назіранне за працэсам вываду ізраільскіх войскаў з паўднёвай часткі Лівана (ізраільскія войскі занялі паўднёвы Ліван ў 1978 годзе пасля аперацыі «Літанія» і былі выведзены толькі ў маі 2000 года); аднаўленне міжнароднага міру і бяспекі ў паўднёвай частцы Лівана і аказанне дапамогі ўраду Лівана ў забеспячэнні вяртання яму эфектыўнай улады ў паўднёвай частцы краіны.

22 сакавіка 1978 года ў Ліван прыбылі першыя падраздзяленні UNIFIL, камандуючым міратворчага кантынгенту стаў генерал-маёр Э. Эрскін. Да 29 мая 1978 года колькасць сіл UNIFIL была павялічана да 4,5 тыс. вайскоўцаў. Па стане на 30 лістапада 2013 года агульная колькасць міжнароднага кантынгенту ААН складала 15 000 чалавек (10 200 ваеннаслужачых 31 дзяржаў, акрамя назіральнікаў і грамадзянскіх асоб).

У святле дзейнасці UNIFIL у Ліване пасля Другой ліванскай вайны некаторымі ізраільскімі палітычнымі і ваеннымі дзеячамі выказвалася меркаванне, што сілы UNIFIL пасіўна садзейнічаюць ліванскай партыі «Хезбала» — у прыватнасці, дазваляючы ім будаваць свае ўмацаваныя пазіцыі на мяжы з Ізраілем у непасрэднай блізкасці да наглядальным пунктах місіі. Робіцца гэта з мэтай абцяжарыць адказныя ізраільскія ўдары па пазіцыях «Хезбале» з-за боязі выпадкова патрапіць па міратворцам[1]. Акрамя таго, на адрас ААН раздавалася рэзкая крытыка ў сувязі з дзеяннямі міратворцаў у 2000 годзе, падчас пранікнення ўзброенных груп «Хезбалы» на тэрыторыю Ізраіля і выкрадання трох ізраільскіх салдат. Салдаты ААН, якія прысутнічалі пры нападзе, заснялі гэта на плёнку, аднак не распачалі нічога каб перашкодзіць выкраданню[2][3]. Ізраіль сцвярджае таксама, што мае доказы і больш актыўнага супрацоўніцтва UNIFIL з «Хезбалой»[4]. У прыватнасці, падчас Другой Ліванскай вайны сайт UNIFIL публікаваў дэталёвыя разведданыя аб размяшчэнні ізраільскіх падраздзяленняў, іх перамяшчэнні, узбраенні і экіпіроўцы. У той жа час інфармацыя аб «Хезбале» выглядала наступным чынам: «Ракеты запушчаны ў вялікай колькасці з розных кропак»[5]. Ізраіль сцвярджае, што ведаючы загадзя пра многія незаконныя акцыі дадзеннай партыі, сілы UNIFIL не робяць ніякіх дзеянняў для іх прадухілення[6].

Хезбала таксама крытыкуе UNIFIL, мяркуючы, што салдаты ААН перавышаюць свае паўнамоцтвы[7].

Гл. таксама правіць

Зноскі

  1. ↑ ЮНИФИЛ остается в Ливане пустым балластом // MIGnews.com Архівавана 31 жніўня 2009.
  2. ↑ CNN, 3 August 2001 U.N. report: Kidnapped Israeli soldiers may be dead Архівавана 12 чэрвеня 2012.
  3. ↑ Report of the Secretary-General on the United Nations Interim Force in Lebanon (for the period from 21 July 2004 to 20 January 2005) Document S/2005/36
  4. ↑ Israel accuses UN of collaborating with Hezbollah(недаступная спасылка). Архівавана з першакрыніцы 6 чэрвеня 2008. Праверана 16 сакавіка 2019.
  5. ↑ ЮНИФИЛ передавали разведданные о войсках ЦАХАЛа в Ливане(недаступная спасылка). Архівавана з першакрыніцы 2 кастрычніка 2013. Праверана 16 сакавіка 2019.
  6. ↑ ЮНИФИЛ боится мести «Хизбаллы» // MIGnews.com Архівавана 22 ліпеня 2009.
  7. ↑ «Хизбалла»: ЮНИФИЛ превышает свои полномочия // MIGnews.com от 22.07.2009 Архівавана 26 ліпеня 2009.

Спасылкі правіць

  • Афіцыйны сайт UNIFIL Архівавана 22 снежня 2014.
  • UNIFIL – UN official mandate
  • "Международный контингент в Ливане крупным планом". Курсор-Инфо. 7 сентября 2006 г. Архівавана з арыгінала 4 сакавіка 2016. Праверана 2012-11-06. {{cite news}}: Невядомы параметр |deadurl= ігнараваны (прапануецца |url-status=) (даведка); Праверце значэнне даты ў: |date= (даведка) Архівавана 4 сакавіка 2016.
Узята з "https://be.wikipedia.org/w/index.php?title=UNIFIL&oldid=4665719"