Windows Vista

Для тэрміна «Vista» гл. таксама іншыя значэнні.

Windows Vista — аперацыйная сістэма сямейства Microsoft Windows NT, лінейкі аперацыйных сістэм, якія выкарыстоўваюцца на карыстальніцкіх персанальных камп’ютарах. У стадыі распрацоўкі гэта аперацыйная сістэма мела кодавую назву «Longhorn».

Windows Vista
Распрацоўшчык	Microsoft Corporation
Сямейства АС	Windows NT
Заснавана на	Windows Server 2003[d]
Першы выпуск	30 лістапада 2006 (для карпаратыўных кліентаў) 30 студзеня 2007 (для звычайных карыстальнікаў)
Апошняя версія	6.0 (Build 6002.18005.090410-1830) Service Pack 2 (SP2) RTM — 25 мая 2009
Падтрымлівае мовы	некалькі моў[d]
Падтрымлівае платформы	IA-32[d] і x86_64[d]
Тып ядра	Гібрыднае ядро
Інтэрфейс	Windows Aero
Ліцэнзія	Microsoft EULA
Стан	Гістарычны. Асноўная падтрымка: спынена 10 красавіка 2012 года Пашыраная падтрымка: Windows Vista SP2: спынена 11 красавіка 2017 года
Вэб-сайт	Windows Vista - хатняя старонка
Медыяфайлы на Вікісховішчы

У лінейцы прадуктаў Windows NT Windows Vista носіць нумар версіі 6.0 (Windows 2000 — 5.0, Windows XP — 5.1, Windows Server 2003 — 5.2). Для абазначэння «Windows Vista» часам выкарыстоўваюць абрэвіятуру «WinVI», якая аб'ядноўвае назву «Vista» і нумар версіі, запісаны рымскімі лічбамі.

Windows Vista, як і Windows XP, — выключна кліенцкая сістэма. Microsoft таксама выпусціла серверную версію Windows Vista — Windows Server 2008.

30 лістапада 2006 года Microsoft афіцыйна выпусціла Windows Vista і Office 2007 для карпаратыўных кліентаў.

Па даных вэб-аналітыкі ад W3Schools, па стане на кастрычнік 2011 года, доля рынка Windows Vista роўная ▼ 5,5 %; гэта значэнне дасягала максімуму ў 18,6 % у кастрычніку 2009 года.

Гісторыя

На раннім этапе распрацоўкі сістэма была вядомая пад кодавым імем Longhorn (па імі бара Longhorn Saloon блізка ад лыжнага курорта Вістлер у Брытанскай Калумбіі). Назва «Vista» была абвешчана 22 ліпеня 2005 года. Праз некалькі месяцаў Microsoft таксама пераназвалі Windows Longhorn Server у Windows Server 2008. З 8 лістапада 2006 года паўнавартасная версія Windows Vista даступная для вытворцаў абсталявання. Публічны рэліз для канечных карыстальнікаў адбыўся 30 студзеня 2007 года.

Варта заўважыць, што шматлікія функцыі, якія намячаліся ў Windows Vista, былі апушчаны Microsoft з-за абуранасці грамадскасці. Напрыклад, меркавалася, што OpenGL будзе рэалізаваны як надбудова над Direct3D. Гэта прывяло б да сур'ёзнага падзення прадукцыйнасці OpenGL у параўнанні з Direct3D і да фіксацыі версіі OpenGL. Асцярогі не апраўдаліся, падтрымка OpenGL у Windows Vista засталася. Не ўвайшла ў Windows Vista і файлавая сістэма WinFS — на гэты раз з-за праблем з прадукцыйнасцю.

Спасылкі

Microsoft

• Хатняя старонка Windows Vista (руск.)
• Microsoft Windows Vista homepage (англ.)
• Тэхцэнтр Windows Vista
• Даклад пра ключавыя змены ў ядры Windows Vista SP1 Архівавана 10 сакавіка 2015.
• Старонка загрузкі пакета абнаўленняў Windows Vista SP1
• Старонка загрузкі пакета абнаўленняў Windows Vista SP2
• Спіс сумяшчальнасці праграм для Windows Vista для ІТ-спецыялістаў

Крытыка

• Infuture.ru: Microsoft: «механізм кіравання ўліковымі запісамі карыстальнікаў (UAC) раздражняе карыстальнікаў»
• CNET Hollywood, Microsoft align on new Windows' (англ.)
• BadVista.org (англ.)
• Technology Review 'Will Windows Upgrade Hand Power To Big Media?' Архівавана 12 красавіка 2006. (англ.)
• PC Stats 'Windows Vista, HDCP and Digital Rights Management' (англ.)
• Yahoo News 'Ten Reasons to Buy Windows Vista (and «five things that will give you pause»)' (англ.)
• Paul Thurrott 'Where Vista Fails' (англ.)
• A Cost Analysis of Windows Vista Content Protection Архівавана 10 студзеня 2007. (англ.)
• Windows Vista Content Protection Архівавана 22 студзеня 2009. (англ.)
• Як вярнуць грошы за OEM-Windows, 3dnews.ru, 28 верасня 2009 г