Акопы
Акопы (руск.: Окопы) — былы хутар у Мінскай губерні (цяпер — у Лагойскім раёне Мінскай вобласці) за 30 км на поўнач ад Мінска і за 2-3 км на паўднёвы захад ад Харужынцаў.
Хутар
Акопы  На месцы былога фальварка Акопы
Акопы на карце Беларусі ±   | ||||||||
Хутар Акопы быў сядзібай маці і сясцёр Янкі Купалы, якую з 1911 года і да другой паловы 1920-х гадоў ён часта наведваў. Сядзіба была месцам найбольш плённага творчага натхнення Янкі Купалы. У 1992 годзе ў суседніх Харужынцах адкрыты філіял Літаратурнага музея Янкі Купалы «Акопы».
Геаграфія
правіцьАкопы размяшчаліся на грэбені Беларускай грады (водападзелу басейнаў Дняпра і Нёмана — Чорнага і Балтыйскага мораў), што абумовіла ўнікальнасць мясцовых ландшафтаў і краявідаў. За 2—3 км на паўночны ўсход ад Акопаў месцяцца Харужынцы. На захад — лясістыя пагоркі і забалочаныя даліны, над якімі ўзвышаецца Лысая гара[1]. За гэтымі мясцінамі замацавалася мянушка «Беларуская Швейцарыя»[2].
Зноскі
- ↑ Энцыклапедычны даведнік «Янка Купала». Артыкул «Акопы». — Мн., БелСЭ, 1986. — С. 33—34.
- ↑ Анатоль Кляшчук. Каб патрапіць у Акопы, рыхтуйце лыжы!. газета «Звязда» (9 красавіка 2020).
Спасылкі
правіць
На Вікісховішчы ёсць медыяфайлы па тэме Акопы
