Акцябр Паўлавіч Комаў
Акцябр Паўлавіч Ко́маў[1] (14 лістапада 1923 — 23 верасня 1993) — вучоны ў галіне дэрматалогіі і венералогіі, доктар медыцынскіх навук (1974), прафесар (1977).
| Акцябр Паўлавіч Комаў | |
|---|---|
| Дата нараджэння | 14 лістапада 1923 |
| Месца нараджэння | |
| Дата смерці | 23 верасня 1993 (69 гадоў) |
| Грамадзянства | |
| Род дзейнасці | навуковец, урач, галоўны ўрач, медыцынскі адміністратар |
| Навуковая сфера | дэрматалогія і венералогія |
| Месца працы | |
| Навуковая ступень | доктар медыцынскіх навук (1974) |
| Навуковае званне |
|
| Альма-матар | |
| Вядомыя вучні | В. Г. Панкратаў |
| Партыя | |
| Узнагароды |
   |
.svg){kind=small}
Біяграфія правіць
Нарадзіўся ў горадзе Клімавічы (сучасны адміністрацыйны цэнтр Клімавіцкага раёна Магілёўскай вобласці Беларусі). Бацькі — медыцынскія работнікі. Удзельнік Вялікай Айчыннай вайны. У 1941 годзе добраахвотнікам уступіў у Чырвоную Армію. Скончыў Барнаульскае ваенна-пяхотнае вучылішча. У якасці камандзіра ўзвода 201-й стралковай дывізіі прымаў удзел у баях на Калініскім і Паўночна-Заходнім франтах. Быў цяжка паранены. Пасля дэмабілізацыі ў 1942 годзе працаваў ваенруком у школе ў горадзе Бійск. З кастрычніка 1943 года вучыўся ў Новасібірскім медыцынскім інстытуце, у 1944—1948 гадах у Мінскім медыцынскім інстытуце. У 1948—1950 гадах ардынатар, галоўны ўрач раённага скурна-венералагічнага дыспансера ў горадзе Рэчыца. Скончыў клінічную ардынатуру Мінскага медыцынскага інстытута, працаваў галоўным урачом Мінскага скурвендыспансера, начальнікам аддзела Міністэрства аховы здароўя БССР, інструктарам адміністрацыйнага аддзела ЦК Камуністычнай партыі Беларусі ў 1945—1958 гадах, асістэнтам кафедры Мінскага медыцынскага інстытута ў 1958—1963 гадах[2][3]. У 1956 годзе абараніў кандыдацкую дысертацыю на тэму «Сравнительная оценка антигенов в реакции Вассермана и реакция оседания эритроцитов в диагностике сифилиса»[2]. З красавіка 1963 года да 1987 года А. П. Комаў на пасадзе дырэктара Беларускага навукова-даследчага скурна-венералагічнага інстытута. У 1974 годзе абараніў доктарскую дысертацыю на тэму «Материалы к этиологии и патогенезу псориаза»[2].
Навуковая і грамадская дзейнасць правіць
А. П. Комаву належаць навуковыя працы па этыялогіі і патагенезе псарыязу, вывучэнню імуналагічных механізмаў патагенезу скурных захворвання, па венералогіі. Аўтар больш за 130 навуковых прац[2]. Сярод апублікаванага:
- Красная волчанка. — Мн., 1967. (у сааўтарстве),
- Венерические заболевания. — Мн., 1981. (у сааўтарстве),
- Справочник по профессиональным заболеваниям кожи. — Мн., 1981. (у сааўтарстве).
Пад кіраўніцтвам А. П. Комава падрыхтаваны і абаронены 6 кандыдацкіх дысертацый[2].
А. П. Комаў уваходзіў у склад Прэзідыума вучонага савета Міністэрства аховы здароўя БССР, неаднаразова абіраўся дэпутатам Мінскага гарадскога Савета дэпутатаў. У 1965—1968 гадах займаў пасаду старшыні Рэспубліканскага навуковага таварыства дэрматавенеролагаў (Беларускай грамадскай арганізацыі дэрматолагаў і венеролагаў).
Узнагароды правіць
- Ордэн Айчыннай вайны 1-й ступені
- Ордэн «Знак Пашаны»
- Дзве Ганаровыя граматы Вярхоўнага Савета БССР
- медалі
Зноскі
- ↑ БелЭн 1999.
- ↑ а б в г д Комов, Октябрь Павлович // Большая биографическая энциклопедия. 2009. (руск.)
- ↑ Комаў Акцябр Паўлавiч // База даных «Мой край — Магілёўшчына». Магілёўская абласная бібліятэка імя У. І. Леніна(недаступная спасылка). Архівавана з першакрыніцы 26 красавіка 2019. Праверана 26 красавіка 2019.
Літаратура правіць
- Комаў Акцябр Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 394. — 10 000 экз. — ISBN 985-11-0035-8. — ISBN 985-11-0144-3 (т. 8).
- Республика Беларусь : энциклопедия. [В 7 т.]. Т. 4. — Минск, 2007