Акім Рыгоравіч Курачкін

Акім Рыгоравіч Ку́рачкін (28 жніўня (10 верасня) 1912, Ветка, Гомельскі павет, цяпер у Гомельскай вобласці — 4 жніўня 2004) — беларускі скульптар. Удзельнік Вялікай Айчыннай вайны.

Акім Рыгоравіч Курачкін
Дата нараджэння	28 жніўня (10 верасня) 1912(1912-09-10)
Месца нараджэння	Ветка, Гомельскі павет, Магілёўская губерня, Расійская імперыя
Дата смерці	4 жніўня 2004(2004-08-04) (91 год)
Род дзейнасці	скульптар
Вучоба	Віцебскае народнае мастацкае вучылішча

Нарадзіўся ў горадзе Ветка Гомельскага павета (цяпер раённы цэнтр у Гомельскай вобласці). У 1934 годзе скончыў Беларускі мастацкі тэхнікум у Віцебску.

Творчасць

Першай работай А. Р. Курачкіна была карціна «Клім Варашылаў і Сямён Будзённы на Паўночна-Заходнім фронце». Потым працаваў у галіне станкавай и манументальнай скульптуры. У мастацкіх выставах пачаў удзельнічаць з 1940 года.

Сярод работ А. Р. Курачкіна

• кампазіцыя «Абаронцы Брэсцкай крэпасці» (1951),
• «У тыле ворага» (1958),
• «Да апошняга дыхання» (1961)
• партрэты Героя Савецкага Саюза А. М. Кіжаватава (1967), падпольшчыцы С. С. Панковай (1968)

і іншыя.

А. Р. Курачкін аўтар помнікаў воінам Савецкай Арміі і партызанам у Слоніме (1956), Паставах (1965), Полацку (1967), Вілейцы, вёсках Грозаў Капыльскага раёна, Міхалова Бабруйскага раёна (1967), Маслакі Горацкага раёна (1983), помніка А. Ф. Мяснікову ў Магілёве (1961) і інш.

Сярод станкавых работ:

• «Малады будаўнік» (1958),
• «Поўдзень» (1965),
• «За волю, за долю» (1982),
• партрэт касманаўта Ю. А. Гагарына

і інш.

Літаратура

• Энцыклапедыя літаратуры і мастацтва Беларусі: У 5-і т., Т. 3. Карчма — Найгрыш / Рэдкал.: І. П. Шамякін (гал. рэд.) і інш. — Мн.: БелСЭ, 1986. — Т. 4. — 751 с. — 9 500 экз.

Спасылкі

• Надежда Куликова. Щедрый дар (руск.) // Вечерний Минск
• Наталья Филиппович. Метроном памяти (руск.) // Вечерний Минск
• РЕЕСТР ПРОФЕССИОНАЛЬНЫХ ХУДОЖНИКОВ Российской империи, СССР, «русского зарубежья», Российской Федерации и республик бывшего Советского Союза (XVIII—XXI вв.) (руск.)