Ала Валерыеўна Навуменка

Ала Валерыеўна Навуменка
Ала Валерыеўна Навуменка
дэпутат Палаты прадстаўнікоў Нацыянальнага сходу Рэспублікі Беларусь[d]
	з 2024
Нараджэнне	13 красавіка 1969 (55 гадоў); Дзямідаў, Галоўчыцкі сельсавет, Нараўлянскі раён, Гомельская вобласць, БССР, СССР;
Партыя	Беларуская партыя «Белая Русь»;
Адукацыя	Мазырскі дзяржаўны педагагічны ўніверсітэт імя І. П. Шамякіна; Акадэмія кіравання пры Прэзідэнце Рэспублікі Беларусь;
Месца працы	Беларускі фонд міру[d];
Узнагароды	ганаровая грамата Нацыянальнага сходу Рэспублікі Беларусь Ганаровая грамата Гомельскага аблвыканкама[d] Ганаровая грамата Гомельскага абласнога Савета дэпутатаў[d] Заслужаны міратворац[d]

Ала Валерыеўна Навуменка^[1] (руск.: Алла Валериевна Науменко^[2]; 13 красавіка 1969, в. Дзямідаў, Нараўлянскі раён, Гомельская вобласць, БССР) — беларускі педагог, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Біяграфія

Нарадзілася 13 красавіка 1969 года ў вёсцы Дзямідаў Нараўлянскага раёна Гомельскай вобласці БССР^[3].

Скончыла Мазырскі педагагічны інстытут імя М. К. Крупскай па спецыяльнасці «Матэматыка і фізіка». Працавала выхавальнікам групы падоўжанага дня, настаўнікам пачатковых класаў, настаўнікам фізікі, намеснікам дырэктара па вучэбна-выхаваўчай рабоце сярэдняй школы № 3 г. Нароўлі, у 1997—2001 гг. — дырэктарам школы № 2 г. Нароўлі^[4]. Пасля была выбрана старшынёй Нараўлянскага раённага Савета дэпутатаў. Працавала паралельна старшынёй Нараўлянскай раённай арганізацыі ГА «Беларускі фонд міру»^[5]^[6]. Скончыла Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне».

У лютым 2024 г. была выбрана дэпутатам у Палату прадстаўнікоў Нацыянальнага сходу Рэспублікі Беларусь VIII склікання ад Палескай выбарчай акругі (№ 43), якая ахоплівае Ельскі раён, частку горада Мазыра і частку Мазырскага раёна^[7]. Член Пастаяннай камісіі па дзяржаўным будаўніцтве, мясцовым самакіраванні і рэгламенце^[8].

З’яўляецца членам Беларускай партыі «Белая Русь»^[9]^[10].

Маёмасць

У пачатку 2024 г. падчас выбараў у дэпутаты Палаты Прадстаўнікоў Нацыянальнага сходу Рэспублікі Беларусь задэкларавала агульную суму гадавога даходу ў памеры 64024,86 беларускіх рублёў (каля 19 800 долараў ЗША па тагачаснаму курсу) ^[11], а таксама нерухомую маёмасць: на праве ўласнасці мела аднакватэрны жылы дом агульнай плошчай 43,4 кв. м у Мазырскім раёне, зямельны ўчастак плошчай 0,25 га ў Мазырскім раёне^[12].

Сям’я

Замужам, мае дачку^[13].

Узнагароды

Узнагароджана ганаровымі граматамі Нацыянальнага сходу Рэспублікі Беларусь, Гомельскага абласнога выканаўчага камітэта, Гомельскага абласнога Савета дэпутатаў, медалём «Заслужаны міратворац» Беларускага фонду міру^[14].

Зноскі

Спасылкі

Біяграфія на сайце Палаты прадстаўнікоў Нацыянальнага сходу Рэспублікі Беларусь

Алла Валериевна Науменко
Науменко Алла Валерьевна(недаступная спасылка)

[1] Ала Валерыеўна Навуменка

[2] Ала Валериевна Науменко

[3] Науменко Алла Валерьевна

[4] Средняя школа № 2 г. Наровли имени И. М. Шаврея. История школы

[5] Науменко Алла Валериевна

[6] С ЮБИЛЕЕМ, НАУМЕНКО АЛЛА ВАЛЕРИЕВНА!

[7] Стали известны предварительные итоги выборов в Палату представителей Национального собрания восьмого созыва. От Гомельщины избраны 17 депутатов

[8] Біяграфія на сайце Палаты прадстаўнікоў Нацыянальнага сходу Рэспублікі Беларусь

[9] Науменко Алла Валерьевна

[10] Науменко Алла Валерьевна(недаступная спасылка)

[11] Гомель в 2024 году выбирает депутатов: где кандидаты работают, сколько зарабатывают и что обещают

[12] Гомель в 2024 году выбирает депутатов: где кандидаты работают, сколько зарабатывают и что обещают

[13] Науменко Алла Валерьевна

[14] Науменко Алла Валерьевна

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]