Ала Васілеўна Сычова

Ала Васілеўна Сычова (Канянкова[1]; нар. 28 кастрычніка 1928, Ленінград — 3 снежня 2003) — беларускі архітэктар, педагог. Доктар архітэктуры (1983), прафесар (1985). Член Саюза архітэктараў Беларусі (1959). Акадэмік Беларускай акадэміі архітэктуры (1997).

Ала Васілеўна Сычова
Дата нараджэння 28 кастрычніка 1928(1928-10-28)
Месца нараджэння
Дата смерці 3 снежня 2003(2003-12-03) (75 гадоў)
Грамадзянства
Альма-матар
Месца працы
Навуковая ступень доктар архітэктуры (1983)
Навуковае званне
Член у
Прэміі
Дзяржаўная прэмія Рэспублікі Беларусь
Узнагароды

БіяграфіяПравіць

Скончыла Уральскі політэхнічны інстытут у Свярдлоўску ў 1956 годзе. У 1958—1961 гадах працавала ў інстытуце «Белдзяржпраект», з 1960 года — аспірант, асістэнт, дацэнт кафедры архітэктуры, з 1984 года — загадчык кафедры горадабудаўніцтва Беларускага політэхнічнага інстытута. З 1985 года прафесар кафедры «Горадабудаўніцтва»[2].

Член Саюза архітэктараў СССР з 1959 года. Пражывала ў Мінску[2].

ТворчасцьПравіць

Працавала ў галіне горадабудаўніцтва, ландшафтнай архітэктуры. Найбольш значныя работы: схема планіроўкі зон адпачынку возера Нарач і вадасховішча Пціч (Мінскі раён, 1959), прыгараднай зоны Гродна (1960), праекты зоны адпачынку на р. Волма (1969)[2], парк у г. Беразіно (1979, усе ў суаўтарстве), рэканструкцыі паркаў у Лагойску (1980) і Маларыце (1986)[2].

Аўтар навуковых прац больш 180 публікацый, у тым ліку 8 кніг — 6 манаграфій і 2 навучальных дапаможнікаў у галіне ландшафтнай архітэктуры і аховы прыроды, у т.л.: «Загарадны адпачынак дзяцей» (Масква, 1971), «Ахова прыроды і архітэктура» (Мінск, 1976), «Ландшафтнае аблічча беларускага сяла» (Мінск, 1982), «Архітэктурна-ландшафтнае асяроддзе. Пытанні аховы і фарміраванні» (Мінск, 1982), «Ландшафтны дызайн» (Мінск, 1984, з Н. П. Цітовай), «Горадабудаўніцтва Беларусі» (1988, у аўтарскім калектыве)[2].

УзнагародыПравіць

Узнагароджана Граматай Прэзідыума Вярхоўнага Савета БССР (1980)[2]. Лаўрэат Дзяржаўнай прэміі Рэспублікі Беларусь (2000, у аўтарскім калектыве) — за комплекс даследаванняў па тэорыі архітэктуры (фарміраванне беларускай навуковай школы), створаны ў 1995—1998 гадах.

БібліяграфіяПравіць

  • Загородный отдых детей. М., 1971;
  • Охрана природы и архитектура. Мн., 1976;
  • Ландшафтный облик белорусского села. Мн., 1982;
  • Архитектурно-ландшафтная среда. 2 изд. Мн., 1982;
  • Ландшафтный дизайн. Мн., 1984 (разам з Н. П. Цітовай);
  • Градостроительство Белоруссии. Мн., 1988 (у сааўт.).

Зноскі

  1. [http://pubsrv.uraic.ru/ECD/DX/0007617.pdf Постоногов Ю. И. 50 лет архитектурному образованию на Урале 1953—2003 г.г. — Тюмень. Издательство «Вектор Бук», 2003 г. — 204 с]
  2. 2,0 2,1 2,2 2,3 2,4 2,5 Сычева Алла Васильевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1. (руск.) 

ЛітаратураПравіць