Алег Ігаравіч Хадоска

беларускі кампазітар

Алег Ігаравіч Хадоска (нар. 21 сакавіка 1964, Алма-Ата, Казахстан) — беларускі кампазітар.

Алег Ігаравіч Хадоска
Дата нараджэння 21 сакавіка 1964(1964-03-21) (58 гадоў)
Месца нараджэння
Альма-матар
Месца працы
Музычная дзейнасць
Прафесіі кампазітар
Грамадская дзейнасць
Член у
Прэміі
Узнагароды
медаль Францыска Скарыны
сярэбраны медаль ВДНГ

БіяграфіяПравіць

Скончыў у 1987 годзе Беларускую дзяржаўную кансерваторыю (клас кампазіцыі А. В. Багатырова), там жа асістэнтуру-стажыроўку (1989). 3 1989 года артыст Дзяржаўнай акадэмічнай харавой капэлы Беларусі імя Р. Шырмы. Член Беларускага саюза кампазітараў з 1988 года, Беларускага саюза музычных дзеячаў з 2005 года.

Выкладае ў Беларускай дзяржаўнай акадэміі музыкі з 2000 года, з 2004 года — на асноўнай працы. З 2004 года — старшы выкладчык, з 2012 — дацэнт, прафесар кафедры кампазіцыі. Сярод ягоных выхаванцаў — кампазітары Ю. Цагойка, П. Шведаў, лаўрэаты міжнародных конкурсаў Я. Яўневіч, І. Кулагіна, Я. Лобан і інш.

З’яўляецца членам журы рэспубліканскіх і міжнародных конкурсаў, у т.л. міжнароднага фестывалю «Моладзь за Саюзную дзяржаву» (2009, Растоў-на-Доне, Расійская Федэрацыя), Рэспубліканскага конкурсу «Зорка ўзышла над Беларуссю» (2010), Фестывалю-конкурсу нацыянальнай харавой музыкі «Рэха» (2010) і інш. Член рэпертуарна-рэдакцыйнай камісіі Міністэрства культуры Рэспублікі Беларусь.

ТворчасцьПравіць

Найбольшыя дасягненні ў галіне сімфанічнай і харавой музыкі: 4 сімфоніі (1992, 1996, 1998, 2000); кантаты «Край ты мой, родны край», «Калоднікі» (словы А. К. Талстога; 1979), Прэлюдыі для фартэпіяна (1980), Трыпціх для фартэпіяна (1981), Дзіцячыя п’есы для фартэпіяна (1980—1982), «Ты пакінуў, Джэмі» (словы Р. Бёрнса), «Калыханка» (словы М. Чабышовай; 1982), Ронда для флейты і фартэпіяна (1983), вакальны цыкл для меца-сапрана і фартэпіяна «Беларускі альбом» (1984), Струнны № 1 (1985), сімфанічная паэма «Сымон-музыка» (1986), кантата для змешанага хору і сімфанічнага аркестра «Песні Белай Русі» (1987), Струнны квартэт № 2 (1988), балет «Залаты ключык» (клавір; 1989), балет «Залаты ключык» (партытура; 1990), Сюіты з балета «Залаты ключык» № 1, 2, 3 (1991), камерная музыка для струннага аркестра і фартэпіяна (1992), музыка да тэлефільма «Пайсці і не вярнуцца» (рэж. М. Князеў; 1992), Сімфонія № 1 «Пакаяная» (1992), Літургія Іаана Залатавуста (1993), музыка да мастацкага фільма «Вогненны стралок» (рэж. М. Князеў; 1994), музыка да дакументальнага фільма «Сымон Будны» (рэж. М. Князеў; 1995), Сімфонія № 2 «Via dolorosa» (1996), музыка да спектакля «Каханне смешнага чалавека» (рэж. М. Князеў; 1996), вакальны цыкл для тэнара і фартэпіяна «Вогнішча, якое памірае» (словы В. Брусава; 1996), «Усяночнае дбанне» (1997), Сімфонія № 3 «Памяці Франсуа Віёна» (першая рэд.; 1998), Харавы канцэрт «Памяці Альфрэда Шнітке» (словы М. Ламаносава і Г. Дзяржавіна; 1998), кантата для змешанага хору «Псалмы-калядкі» (1999), Сімфонія № 4 «Белая Русь» (2000), Музыка да спектакля «Падступства і каханне» (рэж. У. Шчэрбань; 2000), «Святло дагараючай свечкі» для сімфанічнага аркестра (2001), музыка да спектакля «Шэсць персанажаў у пошуках аўтара» (рэж. Р. Таліпаў; 2002), Сімф. № 3 «Памяці Франсуа Віёна» (другая рэд.; 2003), сюіта для сімфанічнага аркестра «Музыка для віртуальнага спектакля» (2004), музыка да спектакля «Івона — прынцэса Бургундская» (рэж. А. Гарцуеў; 2004), саната для баяна (2004), балет «Золушка» (балетмайстар Р. Паклітару; 2005), опера «Цень» (клавір; 2005), опера «Цень» (партытура; 2006), опера «Чорны манах» (партытура; 2007), опера «Чорны манах» (клавір; 2008), маленькая кантата для хору a capella «Рэпетыцыя хору» (2008), песня «Ave Maria» (словы А. Скарынкіна; 2008), «Stabat Mater» для меца-сапрана, змешанага хору і сімфанічнага аркестра (партытура; 2009), «Stabat Mater» для меца-сапрана, змешанага хору і сімфанічнага аркестра (клавір; 2009), музыка да спектакля «Не мой» (рэж. А. Гарцуеў; 2009), музыка да мастацкага фільма «Масакра» (рэж. А. Кудзіненка; 2010), балет «Зала чакання» (2011).

УзнагародыПравіць

ЛітаратураПравіць

  • Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 520. — 10 000 экз. — ISBN 985-11-0035-8. — ISBN 985-11-0263-6 (т. 16).
  • Кампазітары Беларусі / Т. Г. Мдзівані, Р. І. Сергіенка. — Мінск, 1997. — С. 341
  • Культура Беларусі : энцыклапедыя : [у 6 т.]. — Мінск, 2015. — Т. 6. — С. 423
  • Республика Беларусь : энциклопедия : [в 7 т.]. — Минск, 2008. — Т. 7. — С. 425
  • Мушынская Т. «Таленавітасць выяўляецца ў чуласці…» // Маладосць. 1999. № 10;
  • Багатыроў А. «Яго музыка блізкая і зразумелая…» // Роднае слова. 2000. № 5;
  • Сяўрук А. Беларускае царкоўнаспеўнае мастацтва і творы Алега Хадоскі // Роднае слова. 2002. № 10.

СпасылкіПравіць