Алег Аляксеевіч Семянчук

Алег Аляксеевіч Семянчук (нар. 20 снежня 1958, в. Мервіны Клецкага раёна Мінскай вобласці) — беларускі настаўнік і палітык.

Алег Аляксеевіч Семянчук
Нараджэнне	20 снежня 1958(1958-12-20) (65 гадоў) Мервіны, Грыцэвіцкі сельсавет, Клецкі раён, Мінская вобласць, БССР, СССР
Адукацыя	Мазырскі дзяржаўны педагагічны ўніверсітэт імя І. П. Шамякіна
Дзейнасць	палітык, настаўнік
Узнагароды	Грамата Патрыяршага экзарха ўсяе Беларусі[d] Ганаровая грамата Міністэрства адукацыі Рэспублікі Беларусь Ганаровая грамата Мінскага абласнога выканаўчага камітэта[d]

Біяграфія

Скончыў Мазырскі дзяржаўны педагагічны інстытут імя Н. К. Крупскай па спецыяльнасці «Агульнатэхнічныя дысцыпліны з дадатковай спецыяльнасцю фізіка».

Працаваў майстрам вытворчага навучання, намеснікам дырэктара па вучэбна-вытворчай рабоце Заастравецкага вучэбна-вытворчага камбіната, намеснікам загадчыка аддзела народнай адукацыі Клецкага райвыканкама, настаўнікам СШ № 3 г. Клецка, дырэктарам Клецкага дзіцячага дома, намеснікам начальніка ўпраўлення адукацыі, старшынёй камітэта па працы, занятасці і сацыяльнай абароне Мінскага аблвыканкама.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання.

Узнагароды

Узнагароджаны ганаровымі граматамі Міністэрства адукацыі Рэспублікі Беларусь, Міністэрства працы і сацыяльнай абароны Рэспублікі Беларусь, Мінскага абласнога выканаўчага камітэта, Граматай Мітрапаліта Мінскага і Слуцкага Патрыяршага Экзарха ўсяе Беларусі, знакам Міністэрства адукацыі Рэспублікі Беларусь «Выдатнік адукацыі». Мае падзякі Старшыні Палаты прадстаўнікоў Нацыянальнага сходу Рэспублікі Беларусь, Міністра працы і сацыяльнай абароны Рэспублікі Беларусь.