Алег Георгіевіч Слука

Алег Георгіевіч Слука (нар. 12 ліпеня 1941, вёска Лабковіца, Асіповіцкі раён, Магілёўская вобласць) — беларускі гісторык, журналіст, дзяржаўны дзеяч. Доктар гістарычных навук (1986), прафесар (1989).

Алег Георгіевіч Слука
Дата нараджэння	12 ліпеня 1941(1941-07-12) (83 гады)
Месца нараджэння	Лабковіца, Ліпеньскі сельсавет, Асіповіцкі раён, Магілёўская вобласць, БССР, СССР
Грамадзянства	СССР  Беларусь
Род дзейнасці	гісторык, дзяржаўны дзеяч
Месца працы	факультэт журналістыкі БДУ
Навуковая ступень	доктар гістарычных навук (1986)
Навуковае званне	прафесар (1989)
Альма-матар	факультэт журналістыкі БДУ (1968)
Прэміі	Прэмія Ленінскага камсамола Беларусі (1980)
Узнагароды	Грамата Прэзідыума Вярхоўнага Савета БССР (1982) Ганаровая грамата Савета Міністраў Рэспублікі Беларусь (2001) выдатнік друку Беларусі[d] (2006)

Біяграфія

Скончыў факультэт журналістыкі БДУ (1968) і аспірантуру пры ім. Працаваў на факультэце журналістыкі БДУ з 1971 года. Кандыдацкую (1971) і доктарскую (1986) дысертацыі па гісторыі. Прафесар (1990).

У 1986—1995 гадах дэкан факультэта журналістыкі БДУ. Памочнік Прэзідэнта Рэспублікі Беларусь (1995—1997). Намеснік Міністра адукацыі Рэспублікі Беларусь (1997—2001). Рэктар Міжнароднага гуманітарна-эканамічнага інстытута (2002—2004). З 2004 года прафесар кафедры гісторыі журналістыкі і літаратуры факультэт журналістыкі БДУ.

Даследуе пытанні гісторыі, тэорыі і практыкі сродкаў інфармацыі, тэорыі ідэалогіі беларускай дзяржаўнасці.

Аўтар прац «Голас рэвалюцыйнай моладзі» (1978), «Слова ў камсамольскім страі» (1980), «Камсамольскі радок»(1984), «Мадэль устойлівага развіцця Рэспублікі Беларусь» (1999, вучэбнага дапаможніка «Беларуская журналістыка» (ч.1, 2000), манаграфіі «Нацыянальная ідэя» (2001)

Узнагароды і званні

Лаўрэат прэміі Ленінскага камсамола Беларусі (1980) і Саюза журналістаў Рэспублікі Беларусь (1994). Узнагароджаны Граматай Вярхоўнага Савета БССР (1982), Савета Міністраў Рэспублікі Беларусь (2001); званне «Заслужаны журналіст Беларускага саюза журналістаў» (1996).

Узнагароджаны ганаровымі знакамі «Выдатнік адукацыі Рэспублікі Беларусь» (2001) і «Выдатнік друку Рэспублікі Беларусь» (2006).

Навуковыя працы

• Слука, А. Г. Беларуская журналістыка: вучэб. дапам.: у 3 ч. / А. Г. Слука. — Мінск, 2000—2009. — Ч. 1. — 2000. — 230 с.; Ч. 2. — 2003. — 234 с.; Ч. 3. — 2009. — 398 с.
• Слука, А. Г. Нацыянальная ідэя — шлях народа (Генезіс праблемы) / А. Г. Слука. — Мінск, 2005. — 426 с.
• Слука, А. Г. Ідэалогія беларускай дзяржаўнасці (метадалогія фарміравання) / А. Г. Слука. — Мінск, 2007. — 233 с.
• Слука, А. Г. Нацыянальная ідэя / А. Г. Слука. — Мінск, 2008. — 363 с.

Літаратура

• Слука Алег Георгіевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 25. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Слука Алег Георгіевіч на сайце анлайн-энцыклапедыі «Беларусь у асобах і падзеях»
• Слука Олег Георгиевич Архівавана 1 сакавіка 2022. (руск.) // Факультэт журналістыкі БДУ