Алег Леанідавіч Качан

Алег Леані́давіч Кача́н (3 кастрычніка 1967, Чэрвень, Мінская вобласць, БССР) — беларускі дзяржаўны дзеяч, былы Міністр спорту і турызму Рэспублікі Беларусь (2009—2012).

Алег Леанідавіч Качан
Міністр спорту і турызму Рэспублікі Беларусь 26 чэрвеня 2009 — 28 кастрычніка 2012
Прэзідэнт	Аляксандр Лукашэнка
Кіраўнік урада	Сяргей Сідорскі Міхаіл Мясніковіч
Папярэднік	Аляксандр Грыгараў
Пераемнік	Аляксандр Шамко
Нараджэнне	3 кастрычніка 1967(1967-10-03) (56 гадоў) Чэрвень, Чэрвеньскі раён, Мінская вобласць, БССР, СССР
Адукацыя	Брэсцкі дзяржаўны ўніверсітэт імя А. С. Пушкіна (1992) Смілавіцкі дзяржаўны аграрны каледж (1986)
Месца працы	Лагойскі раённы выканаўчы камітэт Мінскі абласны выканаўчы камітэт[d]

Біяграфія

Нарадзіўся 3 кастрычніка 1967 года ў Чэрвені Мінскай вобласці.

У 1986 годзе скончыў Смілавіцкі саўгас-тэхнікум Дзяржаграпраму БССР, у 1992 годзе — Брэсцкі дзяржаўны педагагічны інстытут імя А. С. Пушкіна па спецыяльнасці «Фізічнае выхаванне».

У 1992—1998 гадах працаваў трэнерам-выкладчыкам у дзіцяча-юнацкіх спартыўных школах Мінскай вобласці.

У 1998—2002 гадах быў загадчыкам аддзела па фізічнай культуры, спорце і турызме Лагойскага райвыканкама Мінскай вобласці.

У 2002—2004 гадах працаваў намеснікам старшыні Лагойскага райвыканкама.

З 2004 па 2009 гады быў начальнікам упраўлення фізічнай культуры, спорту і турызму Мінскага аблвыканкама.

З 26 чэрвеня 2009 года па 28 кастрычніка 2012 года быў Міністрам спорту і турызму Рэспублікі Беларусь.

Спасылкі

• Старонка на праекце «Хто ёсць хто ў Рэспубліцы Беларусь» Архівавана 11 лістапада 2011. (руск.)