Алесь Алехнік

Алесь Алехнік
Алесь Алехнік
Імя пры нараджэнні	Алесь Алехнік
Род дзейнасці	грамадскі дзеяч
Дата нараджэння	31 ліпеня 1929
Месца нараджэння	Перунова, Лахвенскі сельсавет, Лунінецкі раён, Беларусь;
Дата смерці	3 снежня 2006 (77 гадоў)
Грамадзянства	Польская Рэспубліка; Аўстралія;
Месца працы	Новае Жыццё[d];
Член у	Беларускае аб’яднанне ў Аўстраліі; Беларускі вызвольны фронт;

Алесь Алехнік (31 ліпеня 1929, хутар Перунова, сёння Лунінецкі раён Брэсцкай вобласці — 2006) — дзеяч беларускай эміграцыі ў Аўстраліі.

У Аўстраліі з 1950 года. Член і шматгадовы сакратар Беларускага аб'яднання ў Аўстраліі, ад імя якога прадстаўляў беларусаў на разнастайных міжнацыянальных форумах у Аўстраліі (удзельнічаў у дзвюх Аўстралійскіх грамадзянскіх канвенцыях, быў назіральнікам у парламенце) і па-за яе межамі на канферэнцыях Антыкамуністычнай лігі народаў Азіі і Сусветнай антыкамуністычнай лігі. У канцы 1950-х гадоў займаўся выданнем інфармацыйнага бюлетэню Беларускага аб'яднання ў Аўстраліі «Новае Жыццё». У 1969—1982 гадах — кіраўнік Краёвага штаба Беларускага Вызвольнага Фронту ў Аўстраліі.

Аўтар кнігі ўспамін «Пад бел-чырвона-белым» (Вільня, 1999). Яго архіў, у які ўвайшлі дакументы Беларускага аб'яднання і шматлікае ліставанне, перахоўваецца ў Беларускім дзяржаўным архіве-музеі літаратуры і мастацтва.