Аляксандр Ісакавіч Бараховіч

Аляксандр Ісакавіч Бараховіч (28 красавіка 1918, Арлоў, Кіраўская вобласць, Расія — 18 мая 2004, Магнітагорск) — спецыяліст у галіне горнай электрамеханікі. Доктар тэхнічных навук (1965), прафесар (1966).

Аляксандр Ісакавіч Бараховіч
Дата нараджэння	28 красавіка 1918(1918-04-28)
Месца нараджэння	Арлоў, Арлоўскі павет[d], Вяцкая губерня, РСФСР
Дата смерці	18 мая 2004(2004-05-18) (86 гадоў)
Месца смерці	Магнітагорск, Чалябінская вобласць, Расія
Грамадзянства	СССР  Расія
Род дзейнасці	навуковец
Месца працы	Свярдлоўскі горны інстытут імя В. В. Вахрушава Магнітагорскі горна-металургічны інстытут імя Р. І. Носава[d] Пензенскі політэхнічны інстытут[d] Уральскі электрамеханічны інстытут інжынераў чыгуначнага транспарту Магілёўскі машынабудаўнічы інстытут
Навуковая ступень	доктар тэхнічных навук (1965)
Навуковае званне	прафесар (1966)
Альма-матар	Новачаркаскі індустрыяльны інстытут[d] (1941)
Узнагароды

Біяграфія

Скончыў Новачаркаскі індустрыяльны інстытут (кваліфікацыя «Горны інжынер-электрамеханік», 1941).

Працаваў у Карабашскам рудаўпраўленні Чалябінскай вобласці (з 1941, галоўны механік шахты, галоўны энергетык), камбінаце «Чкалаўзолата» МУС СССР (1946—1950, галоўны механік), Свярдлоўскім горным інстытуце (з 1950), Магнітагорскім горна-металургічным інстытуце (з 1955, загадчык кафедры горных машын і руднічнага транспарту, у 1960—1966 — кафедры горнай механікі, 1967—1968 — прарэктар па завочнаму і вячэрняму навучанню, з 1985 — прафесар кафедры «Цеплагазазабеспячэнне і вентыляцыя»), Пензенскім політэхнічным інстытуце (1973—1975, загадчык кафедры агульнай электратэхнікі), Уральскім электрамеханічным інстытуце (1976—1984, прафесар кафедры механікі грунтоў, асноў і фундаментаў), Магілёўскім машынабудаўнічым інстытуце (1971—1973, загадчык кафедры «Пад’ёмна-транспартныя машыны»).

Навуковыя інтарэсы: павышэнне эфектыўнасці і надзейнасці работы электрамеханічнага абсталявання шахт, кар’ераў, грузапад’ёмных машын на стальных лентах поршневых кампрэсараў.

Узнагароды

Званне «Заслужаны дзеяч навукі і тэхнікі РСФСР» (1990).

Бібліяграфія

• Водоотлив глубоких шахт : автореферат диссертации … доктора технических наук / А. И. Борохович. — Магнитогорск, 1963.
• Исследование рудничных двухступенчатых центробежных спиральных насосов : автореферат диссертации … кандидата технических наук / А. И. Борохович. — Свердловск, 1953.

Літаратура

• Борохович Александр Исаакович // Профессорско-преподавательский состав ММИ — МГТУ — Белорусско-Российского университета (1961—2006). — Могилев, 2009. — С. 64.