Вікіпедыя

Аляксандр Андрэевіч Пятроў (акцёр)

расійскі акцёр

Аляксандр Андрэевіч Пятроў (25 студзеня 1989, Пераслаўль-Залескі, СССР) — расійскі акцёр тэатра і кіно. Двухразавы лаўрэат прэміі «Залаты арол»: За лепшую мужчынскую ролю ў кіно («Тэкст», 2020) і за лепшую мужчынскую ролю на тэлебачанні («Sпарта», 2019) [1].

Аляксандр Андрэевіч Пятроў
Дата нараджэння 25 студзеня 1989(1989-01-25) (35 гадоў)
Месца нараджэння
Грамадзянства
Адукацыя
Прафесія акцёр, кінаакцёр, тэлеакцёр
IMDb ID 5003252
sashapetrov.ru
Лагатып Вікісховішча Медыяфайлы на Вікісховішчы

Біяграфія правіць

Нарадзіўся 25 студзеня 1989 года ў горадзе Пераслаўлі-Залескім Яраслаўскай вобласці. Вучыўся на эканамічным факультэце ВНУ. Падчас вучобы ўваходзіў у склад каманды «КВЗ», быў членам студэнцкага савета, іграў у тэатры-студыі «антрэпрызы» пад кіраўніцтвам В. А. Іваненка.

На тэатральным фестывалі ў горадзе Пахвістнева (Самарская вобласць) на майстар-класах пазнаёміўся з педагогамі ГІТІСа, у тым ліку з Леанідам Хейфец, пасля чаго вырашыў пакінуць эканамічны факультэт на другім курсе і паступіў у РАЦІ-ГІТІС, які скончыў у 2012 годзе.

Кар’ера правіць

Дэбютаваў у кіно ў 2010 годзе ў эпізадычнай ролі ў серыяле «Галасы». У 2012 годзе сыграў галоўную ролю ў фэнтэзійным серыяле «Пакуль цвіце папараць» [2] [3].

У 2012—2013 гадах служыў у Маскоўскім тэатры «Et Cetera» [4].

25 студзеня 2013 года быў прыняты ў трупу Маскоўскага драматычнага тэатра імя М. М. Ярмолавай пад кіраўніцтвам Алега Меньшыкава [5].

У 2019 годзе падпісаў эксклюзіўны кантракт з кінакампаніямі Art Pictures Studio і «Вадарод» [6], які абавязвае яго на працягу двух гадоў здымацца толькі ў праектах гэтых студый [7].

Асабістае жыццё правіць

З 2015 года сустракаўся з актрысай Ірынай Старшенбаум. У 2017 годзе яны абвясцілі пра заручыны [8] [9], але ў чэрвені 2019 года паведамілі пра разрыў.

З 2019 году знаходзіцца ў адносінах з актрысай Стасяй Міласлаўскай, з якой пазнаёміўся падчас здымак фільма «Стральцоў» [10].

Фільмаграфія правіць

Узнагароды і намінацыі правіць

  • 2017 — прэмія «Больш чым зоркі» часопіса «ОK!» — прыз у намінацыі «Галоўны герой. Кіно» [11]
  • 2018 — Нацыянальны кінафестываль дэбютаў «Рух» (асноўны конкурс «Рух. Наперад») — прыз за бліскучы акцёрскі тандэм (сумесна з Андрэем Бурковскім, серыял «Тэлефануйце Дікапріо!») [12]
  • 2018 — прэмія «Чалавек года» часопіса «GQ»: прыз «Акцёр года» і «L’art de vivre» ад партнёра цырымоніі ST Dupont [13]
  • 2019 — намінацыя на прэмію «Залаты арол» за найлепшую мужчынскую ролю ў кіно (фільм «Гогаль. Вій»)
  • 2019 — намінацыя на прэмію «Залаты арол» за найлепшую мужчынскую ролю ў кіно (фільм «Лёд»)
  • 2019 — прэмія «Залаты арол» за найлепшую мужчынскую ролю на тэлебачанні (серыял «Sпарта»)
  • 2019 — кінафестываль расійскага кіно ў Анфлёры: прыз за найлепшую мужчынскую ролю (сумесна з Іванам Янкоўскім, фільм «Тэкст») [14]
  • 2019 — Прэмія «Падзея года» часопіса «Кинорепортёр»: прыз «Акцёр года» (фільм «Тэкст») [15]
  • 2020 — Прэмія «Залаты арол» за найлепшую мужчынскую ролю ў кіно (фільм «Тэкст») [16]
  • 2020 — намінацыя на прэмію «Залаты арол» за найлепшую мужчынскую ролю ў кіно (фільм «Т-34»)
  • 2020 — намінацыя на прэмію «Залаты арол» за найлепшую мужчынскую ролю на тэлебачанні (серыял «Тэлефануйце Дікапріо!»)

Зноскі

  1. ↑ Лауреаты премии Золотой орел - 2019(нявызн.). kinopoisk.ru. Праверана 25 студзеня 2019.
  2. ↑ Кирилл. Архівавана з першакрыніцы 14 снежня 2017. Праверана 13 жніўня 2013.
  3. ↑ Кондратьева Т. Александр Петров: «Я тоже верю в колдунов!» // Комсомольская правда. — 7 октября 2012 года
  4. ↑ Кравчук О. Юность Петрова Архівавана 3 снежня 2013. // Vogue. — 4 ноября 2012 года
  5. ↑ Биография Александра Петрова
  6. ↑ Актёр Александр Петров заключил эксклюзивный контракт с Art Pictures Studio и «Водородом». Коммерсантъ (14 ліпеня 2019).
  7. ↑ Александра Петрова не будет в кинопродолжении «Полицейского с Рублевки». Актёр сообщил, что его пути с создателями картины разошлись. Бюллетень кинопрокатчика (14 ліпеня 2019).
  8. ↑ "Федор Бондарчук был против романа Петрова и Старшенбаум". Собеседник.ру [руская]. Праверана 2017-02-01.
  9. ↑ "Петров женится на Старшенбаум,но они расстались до этого". Дни ру. Праверана 2017-02-01.
  10. ↑ Кто та 24-летняя «разлучница», которая влюбила в себя Александра Петрова (руск.). Пятый канал. Праверана 30 ліпеня 2019.
  11. ↑ Премия ОK! AWARDS «Больше чем звезды»(недаступная спасылка). Архівавана з першакрыніцы 26 лістапада 2018. Праверана 26 лістапада 2018.
  12. ↑ Лауреаты «ДВИЖЕНИЕ» 2018 Архівавана 2 жніўня 2021.
  13. ↑ Премия «GQ Человек года»
  14. ↑ 27-й Фестиваль российского кино в Онфлёре(недаступная спасылка). Архівавана з першакрыніцы 27 лістапада 2015. Праверана 16 жніўня 2020.
  15. ↑ Андрей Кончаловский за фильм «Грех» получил награду «Мастер-класс года»
  16. ↑ Три Петрова, «Дылда» и Тарантино: Все номинанты на «Золотого Орла»

Спасылкі правіць

Узята з "https://be.wikipedia.org/w/index.php?title=Аляксандр_Андрэевіч_Пятроў_(акцёр)&oldid=4609940"