Аляксандр Апанасавіч Жыгар

Аляксандр Апанасавіч Жыгар (15 мая 1915 вёска Вялікае Сяло, Петрыкаўскі раён — 24 кастрычніка 1971) — адзін з кіраўнікоў партызанскага руху ў Палескай вобласці.

Аляксандр Апанасавіч Жыгар
Дата нараджэння	15 мая 1915(1915-05-15)
Месца нараджэння	вёска Вялікае Сяло Петрыкаўскі раён
Дата смерці	24 кастрычніка 1971(1971-10-24) (56 гадоў)
Грамадзянства	СССР
Прыналежнасць
Род войскаў	партызаны
Камандаваў	125-я Капаткевіцкая партызанская брыгада
Бітвы/войны	Вялікая Айчынная вайна
Узнагароды і званні

Біяграфія

Член КПСС з 1939 года. З 1932 года на гаспадарчай рабоце, з 1940 года дырэктар Капаткевіцкай МТС. У пачатку Вялікай Айчыннай вайны пакінуты ў нямецкім тыле: са жніўня 1941 года камісар партызанскага атрада (у кастрычніку 1941 года атрад раздзяліўся на групы, у студзені 1942 года быў адноўлены), камандзір групы, з лютага 1942 года камандзір атрада, у студзені 1943 — сакавіку 1944 года камандаваў 125-й Капаткевіцкай партызанскай брыгадай, адначасова член Капаткевіцкага падпольнага РК КП(б)Б. З сакавіка 1944 года знаходзіўся ў распараджэнні БШПР. З 1944 года на савецкай і адміністрацыйна-гаспадарчай рабоце.

Памяць

Яго імем названа вуліца ў Лепелі.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.

Спасылкі

• Жигарь Александр Иванович (руск.) // Праект «Партызаны Беларусі»
• Жыгар Аляксандр Апанасавіч на сайце анлайн-энцыклапедыі «Беларусь у асобах і падзеях»