Аляксандр Астрожскі

Аляксандр Астрожскі
Аляксандр Астрожскі
	; Аляксандр Астрожскі
	; Герб «Астрожскі»
5-ы Ваявода валынскі
	1593 — 1603
Папярэднік	Януш Астрожскі
Пераемнік	Януш Заслаўскі
Нараджэнне	1570; Вявёрка[d], Гміна Жыракаў, Дэмбіцкі павет, Падкарпацкае ваяводства, Польшча;
Смерць	12 снежня 1603; Цярнопаль, Карона Каралеўства Польскага, Рэч Паспалітая;
Месца пахавання	Богаяўленская царква;
Род	Астрожскія
Бацька	Канстанцін Астрожскі
Маці	Соф'я з Тарноўскіх
Жонка	Ганна з Косткаў
Дзеці	Соф'я, Канстанцін Аляксандр, Крыштаф, Януш Павел, Аляксандр, Ганна Алаіза, Кацярына
Веравызнанне	праваслаўе
	Медыяфайлы на Вікісховішчы

Аляксандр Астрожскі (1570, Вявёрка каля Тарнава — 12 снежня 1603, Цярнопаль) — дзяржаўны дзеяч Рэчы Паспалітай. Ваявода валынскі (з 1593), староста пераяслаўскі (з 1594).

Валодаў гарадамі Ратна (прыкладана з 1590), Дарагабуж, Сураж, Звягель, паловай горада Астрог (усе з 1603)^[1].

Біяграфія

З княжацкага роду Астрожскіх уласнага герба, сын Канстанціна-Васіля і Соф'і з Тарноўскіх. Меў братоў Януша і Канстанціна, сясцёр Кацярыну і Лізавету.

Дзяцінства правёў у Дубне, выхаванне і адукацыю спачатку атрымаў у Астрогу, а потым пры двары караля і вялікага князя.

У 1592 годзе пабраўся шлюбам з каталічкай Ганнай Косткай, уладальніцай горада Ярослаў у Рускім ваяводстве, дзе збудаваў палац. У 1593 годзе разбіў пад Яраславам татараў.

Разам з бацькам супрацьдзейнічаў правядзенню царкоўнай уніі, удзельнічаў у праваслаўным саборы 1596 года ў Берасці, саборы праваслаўных і пратэстантаў 1599 года ў Вільні.

Меў 5 сыноў (Канстанцін Аляксандр, Крыштаф, Януш Павел, Аляксандр, Васіль) і 3 дачок (Соф'я, Ганна Алаіза, Кацярына).

Раптоўна памёр у 1603 годзе (магчыма яго атруцілі). Пахавалі князя ў Астрогу, у царкве Яўлення Гасподняга.

Зноскі

↑ ЭнцВКЛ 2005.

Літаратура

Пазднякоў В. Астрожскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 263. — 688 с. — ISBN 985-11-0314-4 (т. 1), ISBN 985-11-0315-2.
Barbara Sawczyk, Maria Sąsiadowicz, Ewa Stańczyk. Ocalić od zapomnienia... Patroni tarnowskich ulic. Tom 2. — Tarnów, 2004. ISBN 83-915445-6-7.
І. Ворончук. Володіння князів Острозьких на Східній Волині. — Київ-Старокостянтинів, 2001.

Спасылкі

На Вікісховішчы ёсць медыяфайлы па тэме Аляксандр Астрожскі

[FOOTNOTEЭнцВКЛ2005-1] ЭнцВКЛ 2005.

[1]