Аляксандр Паўлавіч Валадзько

беларускі футбаліст і трэнер
(Пасля перасылкі з Аляксандр Валадзько)

Алякса́ндр Па́ўлавіч Валадзько́ (нар. 18 чэрвеня 1986, Моталь, Іванаўскі раён) — беларускі футбаліст (паўабаронца) і трэнер. Ігрок нацыянальнай зборнай Беларусі (2012—2014). У цяперашні час працуе ў трэнерскім штабе салігорскага «Шахцёра».

Футбол
Аляксандр Валадзько
Агульная інфармацыя
Поўнае імя Аляксандр Паўлавіч Валадзько
Нарадзіўся 18 чэрвеня 1986(1986-06-18)[1][2] (37 гадоў)
Грамадзянства  Беларусь
Рост 177 см
Вага 76 кг
Пазіцыя паўабаронца
Інфармацыя пра клуб
Клуб Беларусь Шахцёр
Пасада трэнер
Клубная кар’ера[* 1]
2004—2008 Беларусь Дынама (Брэст) 62 (3)
2008   Беларусь БАТЭ (Барысаў) 10 (0)
2009—2017 Беларусь БАТЭ (Барысаў) 202 (15)
2018 Казахстан Шахцёр (Караганда) 26 (1)
2019 Беларусь Шахцёр (Салігорск) 0 (0)
2020 Беларусь БАТЭ (Барысаў) 4 (0)
Нацыянальная зборная[* 2]
2006—2009 Беларусь Беларусь (да 21) 28 (1)
2012—2014 Беларусь Беларусь 9 (1)
Трэнерская кар’ера
2021 Беларусь БАТЭ (Барысаў) трэнер
2022 Беларусь БАТЭ (Барысаў) дубль
2023 Беларусь Дынама (Брэст) трэнер
2024— Беларусь Шахцёр (Салігорск) трэнер
Узнагароды і медалі
Дзяржаўныя і ведамасныя ўзнагароды
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 лютага 2024.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 22 мая 2014
Лагатып Вікісховішча Медыяфайлы на Вікісховішчы

Клубная кар’ера правіць

Выхаванец брэсцкага футбола, з 2005 года пачаў прабівацца ў асноўную каманду мясцовага «Дынама». У сезоне 2007 замацаваўся ў асноўным складзе дынамаўцаў, дапамог ім атрымаць перамогу ў Кубку Беларусі.

У жніўні 2008 года барысаўскі БАТЭ, які шукаў узмацнення перад удзелам у групавым этапе Лігі чэмпіёнаў, узяў у арэнду маладога паўабаронцу. У барысаўскім клубе Валадзько прыйшоўся да справы, і па заканчэнні сезона быў выкуплены БАТЭ, хоць «Дынама» і лічыла гэты пераход незаконным[3].

У Барысаве стаў дзейначаць у цэнтры поля, ад апорнай зоны да пазіцыі «пад нападнікам». Часам вызначаўся галамі здалёк: так, 6 лістапада 2009 года ў матчы Лігі Еўропы супраць грэчаскага АЕКа, запрыкмеціўшы далёкі выхад брамніка супернікаў, адважыўся на ўдар, які апынуўся голам. 19 верасня 2012 года забіў першы гол у браму «Ліля», які дапамог БАТЭ атрымаць першую ў гісторыі перамогу ў групавым этапе Лігі чэмпіёнаў (3:1).

У сезоне 2011 часам выкарыстоўваўся на пазіцыі правага абаронцы, дзе, аднак, адчуваў сябе няўтульна. Гуляючы на гэтай пазіцыі 28 верасня 2011 года ў хатнім матчы Лігі чэмпіёнаў супраць «Барселоны», здолеў адкрыць лік у матчы, паразіўшы, аднак, уласную браму (выніковы лік 0:5).

У жніўні 2012 года падоўжыў кантракт з БАТЭ да 2015 года. У першай палове сезона 2015 адсутнічаў з-за траўмы, але са жніўня вярнуў месца ў стартавым складзе.

У снежні 2015 года падоўжыў кантракт з барысаўчанамі[4]. У першай палове сезона 2016 рэдка з’яўляўся на полі, але пачынаючы з ліпеня зноў стаў трывала з’яўляцца ў стартавым складзе. У пачатку сезона 2017 не меў трывалага месца ў аснове, але ў маі замацаваўся ў стартавым складзе ў цэнтры паўабароны. У студзені 2018 года па заканчэнні кантракта пакінуў БАТЭ[5].

Неўзабаве пасля зыходу з БАТЭ накіраваўся ў склад карагандзінскага «Шахцёра» і падпісаў кантракт з казахстанскім клубам[6]. У складзе «Шахцёра» стаў гуляць у стартавым складзе. У лістападзе 2018 года стала вядома, што карагандзінскі клуб на будзе падаўжаць кантракт з беларускім паўабаронцам[7].

У снежні 2018 года вярнуўся ў Беларусь, стаўшы іграком салігорскага «Шахцёра»[8]. Аднак, за асноўную каманду так і не выйшаў на поле, правёў некалькі матчаў за дубль, таксама быў у запасе ў фінальным матчы Кубак Беларусі, дзе «Шахцёр» атрымаў перамогу над «Віцебскам» (2:0). Па заканчэнні сезона 2019 пакінуў салігорскі клуб[9].

У студзені 2020 года вярнуўся ў барысаўскі БАТЭ[10]. З’яўляўся на полі эпізадычна, звычайна заставаўся на лаўцы запасных.

Міжнародная кар’ера правіць

Выступаў за моладзевую зборную Беларусі на чэмпіянаце Еўропы 2009 у Швецыі.

12 кастрычніка 2012 года дэбютаваў у нацыянальнай зборнай Беларусі ў адборачным матчы чэмпіянату свету супраць Іспаніі.

Трэнерская кар’ера правіць

У студзені 2021 года завяршыў кар’еру і ўвайшоў у трэнерскі штаб БАТЭ[11]. У студзені 2022 года быў пераведзены трэнерам у дубліруючы склад клуба[12]. Працаваў у дублі да снежня 2022 года[13].

У пачатку 2023 года ўвайшоў у трэнерскі штаб брэсцкага «Дынама» ў якасці трэнера па фізпадрыхтоўцы[14]. Застаўся ў клубе пасля таго, як у красавіку 2023 года быў звольнены галоўны трэнер Ігар Крывушэнка і прызначаны Аляксандр Юрэвіч. У верасні 2023 года па пагадненні бакоў пакінуў «Дынама»[15].

У лютым 2024 года стаў трэнерам у салігорскім «Шахцёры»[16].

Дасягненні правіць

Крыніцы правіць

  1. Aleksandr Volodjko // Transfermarkt — 2000. Праверана 9 кастрычніка 2017.
  2. Alyaksandr Valadzko // FBref.com
  3. Брестское "Динамо" считает трансфер Александра Володько в БАТЭ неправомерным (руск.). football.by (5 лютага 2009). Праверана 12 лютага 2024.
  4. Александр Володько продлил контракт с БАТЭ (руск.). football.by (31 снежня 2015). Праверана 12 лютага 2024.
  5. Александр Володько покинул БАТЭ (руск.). football.by (18 студзеня 2018). Праверана 12 лютага 2024.
  6. Александр Володько стал игроком "Шахтера" (руск.). football.by (26 студзеня 2018). Праверана 12 лютага 2024.
  7. Александр Володько остался без клуба (руск.). football.by (22 лістапада 2018). Праверана 12 лютага 2024.
  8. Александр Володько подписал контракт с солигорским "Шахтером" (руск.). football.by (20 снежня 2018). Праверана 12 лютага 2024.
  9. Александр Володько покинул "Шахтер" (руск.)(недаступная спасылка). football.by (2 студзеня 2020). Архівавана з першакрыніцы 15 студзеня 2020. Праверана 2 студзеня 2020.
  10. Александр Володько вернулся в БАТЭ (руск.). football.by (24 студзеня 2020). Праверана 12 лютага 2024.
  11. Александр Володько завершил карьеру игрока и будет помогать в БАТЭ Жуковскому (руск.). football.by (11 студзеня 2021). Праверана 12 лютага 2024.
  12. Виктор Гончаренко возглавил дубль БАТЭ (руск.). football.by (19 студзеня 2022). Праверана 12 лютага 2024.
  13. "Желто-синие" приступили к тренировкам (руск.). Афіцыйны сайт БАТЭ (19 снежня 2022). Праверана 12 лютага 2024.
  14. Футбол. Александр Володько вошел в тренерский штаб брестского "Динамо" (руск.)(недаступная спасылка). pressball.by (3 лютага 2023). Архівавана з першакрыніцы 3 лютага 2023. Праверана 3 лютага 2023.
  15. Юревич покинул пост главного тренера брестское "Динамо" (руск.). football.by (19 верасня 2023). Праверана 12 лютага 2024.
  16. Александр Володько вошел в тренерский штаб "Шахтера" (руск.). football.by (1 лютага 2024). Праверана 12 лютага 2024.