Аляксандр Валер’евіч Шыпула

Аляксандр Валер’евіч Шыпула (нар. 15 жніўня 1972, в. Прыветак Сенненскага раёна Віцебскай вобласці) — беларускі ўрач.

Аляксандр Валер’евіч Шыпула
Нараджэнне	15 жніўня 1972(1972-08-15) (51 год) Прыветак, Ульянавіцкі сельсавет, Сенненскі раён, Віцебская вобласць, БССР, СССР
Адукацыя	Віцебскі дзяржаўны медыцынскі ўніверсітэт
Дзейнасць	урач, палітык
Месца працы	Віцебскі дзяржаўны медыцынскі ўніверсітэт
Узнагароды

Біяграфія

Скончыў Віцебскі медыцынскі інстытут (лячэбная справа), клінічную ардынатуру Віцебскага дзяржаўнага ордэна Дружбы народаў медыцынскага ўніверсітэта (акушэрства і гінекалогія).

Працаваў санітарам Полацкай гарадской станцыі хуткай дапамогі, урачом-акушэрам-гінеколагам жаночай кансультацыі аддзяленчай бальніцы на ст. Баранавічы, клінічным ардынатарам клінічнай ардынатуры Віцебскага дзяржаўнага ордэна Дружбы народаў медыцынскага ўніверсітэта, урачом-акушэрам-гінеколагам, намеснікам загадчыка радзільнага дома, загадчыкам радзільнага дома Барысаўскай цэнтральнай раённай бальніцы, галоўным урачом Барысаўскага радзільнага дома.

Выбіраўся дэпутатам Мінскага абласнога Савета дэпутатаў 28-га склікання, Барысаўскага раённага Савета дэпутатаў 27-га і 28-га скліканняў, дэпутатам Палаты прадстаўнікоў Нацыянальнага сходу Рэспублікі Беларусь 7-га склікання.

З 2024 года дэпутат Палаты прадстаўнікоў Нацыянальнага сходу Рэспублікі Беларусь 8-га склікання.

Узнагароды

Узнагароджаны нагрудным знакам Міністэрства аховы здароўя «Выдатнік аховы здароўя Рэспублікі Беларусь».