Аляксандр Віктаравіч Прохараў

Аляксандр Віктаравіч Прохараў (нар. 1975, Мінск) — беларускі скульптар, дызайнер. Член Беларускага саюза мастакоў (2004 г.), Беларускага саюза дызайнераў. Працуе ў жанры малых архітэктурных форм, экстэр'ернай і інтэр'ернай скульптуры. Удзельнік рэспубліканскіх і міжнародных выставак. Лаўрэат міжнародных і рэспубліканскіх конкурсаў па манументальным мастацтве.

Аляксандр Віктаравіч Прохараў
Дата нараджэння	1975
Месца нараджэння	Мінск, БССР, СССР
Грамадзянства	СССР
Род дзейнасці	скульптар, дызайнер
Месца працы	Беларуская дзяржаўная акадэмія мастацтваў
Вучоба	Гімназія-каледж мастацтваў імя І. В. Ахрэмчыка Беларуская дзяржаўная акадэмія мастацтваў
Член у	Беларускі саюз дызайнераў
Медыяфайлы на Вікісховішчы

Біяграфія

Вучыўся ў Рэспубліканскай школе-інтэрнаце па музыцы і выяўленчым мастацтве імя І. В. Ахрэмчыка. Скончыў Беларускую дзяржаўную акадэмію мастацтваў па спецыяльнасці «Скульптура». Дыпломная праца — праект помніка «Бітва на Нямізе» для Мінска (помнік рэкамендаваны да ўстаноўкі ў сталіцы).

З 2005 года выкладае ў Беларускай дзяржаўнай акадэміі мастацтваў, з 2011 года — дэкан мастацкага факультэта.

Працы

Устаноўленыя скульптуры А. Прохарава:

• «Ева», Салігорск;
• помнік Кірылу Тураўскаму ў двары БДУ;
• помнік Усяславу Чарадзею ў Полацку (у сааўтарстве);
• «Полацкі купец», Полацк;
• скульптура «Нараджэнне» — сімвал прадпрыемства ААТ «Полацк-Шкловалакно»;
• алегорыя студэнта, Полацк;
• «Гарадскія шалі», Мінск.

Галерэя скульптуры

• 
  Помнік Усяславу Чарадзею ў Полацку
• 
  «Полацкі купец»
• 
  Алегорыя студэнта

Літаратура

• Полацк [Выяўленчы матэрыял]: [камплект паштовак] / С. Плыткевіч. — [Мінск] , 2010.
• Дизайн внутри и снаружи : справочник. — Минск, 2008.

Спасылкі

• Прохараў Аляксандр Віктаравіч Архівавана 5 сакавіка 2016.
• Віцебскі кур’ер. Як у Полацку з галавой размаўлялі.