Аляксандр Гасеўскі (каля 1575 — красавік 1639) — рэгент вялікалітоўскай дзяржаўнай канцылярыі пры Л. Сапегу, рэферындарый літоўскі, вялікі пісар літоўскі, ваявода смаленскі, староста маркаўскі, пуньскі, купішскі і веліжскі1600) .

Аляксандр Гасеўскі
польск.: Aleksander Gosiewski
Aleksander Korwin Gosiewski.PNG
Партрэт невядомага аўтара, XVIII стагоддзе
Slepowron.svg
Пісар польны літоўскі
красавік 1639
Манарх Жыгімонт III Ваза
Уладзіслаў IV Ваза
Папярэднік Геранім Пясецкі
Пераемнік Мікалай Крыштаф Сапега
Ваявода смаленскі
1639
Манарх Жыгімонт III Ваза
Уладзіслаў IV Ваза
Папярэднік Ян Корсак
Пераемнік Крыштаф Гасеўскі
Войт Віцебска
май 1598 — люты 1603
Манарх Жыгімонт III Ваза
Папярэднік Юрый Багданавіч Ляцецкі
Пераемнік Ян Завіша
 
Дзейнасць дыпламат
Нараджэнне 1575
Смерць 1639(1639)
Дынастыя Род Гасеўскіх
Бацька Ян Гасеўскі
Жонка Ева з роду Пацаў
Дзеці Ганна
Вінцэнт Гасеўскі
Крыштаф Гасеўскі

БіяграфіяПравіць

 
Надмагілле А. Гасеўскага ў касцёле Святога Казіміра ў Вільні

Прадстаўнік шляхецкага роду Корвін-Гасеўскіх гербу «Слепаўрон», сын Яна.

Займаў некалькі высокіх дзяржаўных пасадаў, у тым ліку рэгента дзяржаўнай канцылярыі пры Льву Сапегу (1596). У маі 1598 г. атрымаў віцебскае войтаўства ад Жыгімонта Вазы[1]. У 1599 і 1600 гг. пасол у Маскву. У 1600 г. атрымаў памежнае Веліжскае староства. У лютым 1603 г., пасля заключэння адпаведнай дамовы, добраахвотна саступіў пасаду войта віцебскаму ваяводу Яну Завішу.

У 1606 г. пасол да Ілжэдзмітрыя I, схоплены падчас звяржэння апошняга ў Маскве, вызвалены ў 1608 г. Разам з Львом Сапегам быў ініцыятарам інтэрвенцыі ў Маскву, браў удзел у аблозе Смаленска ў 1610 годзе. У 16111613 гг. разам з войскам Рэчы Паспалітай зноў быў у Маскве. У 16171618 гг. удзельнічаў у другой выправе каралевіча Уладзіслава на Маскву, у 16211622 гг. у вайне са шведамі за Інфлянты.

У 1630 атрымаў урад пісара польнага.

Заснаваў езуіцкія калегіумы ў Віцебску і Смаленску, кляштар у Бярэсці.

Сям’яПравіць

Ад шлюбу з Евай Пац меў 4 сыноў і 3 дачок[2].

Зноскі

  1. Нацыянальны гістарычны архіў Беларусі. Ф. 1751. Воп. 1. Спр. 3. Арк. 156—157, 200—200 адв.
  2. Насевіч В. Гасеўскія // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Мінск: Беларуская Энцыклапедыя, 2005. С. 516.

ЛітаратураПравіць

СпасылкіПравіць