Аляксандр Генадзевіч Быкаў
Аляксандр Генадзевіч Быкаў (7 верасня 1954, Барысаў, Мінская вобласць — лістапад 2024) — беларускі паэт, празаік, журналіст. Лаўрэат прэміі «Залаты Купідон».
| Аляксандр Генадзевіч Быкаў | |
|---|---|
| Асабістыя звесткі | |
| Дата нараджэння | 7 верасня 1954 |
| Месца нараджэння | |
| Дата смерці | лістапад 2024 (70 гадоў) |
| Альма-матар |
|
| Месца працы | |
| Прафесійная дзейнасць | |
| Род дзейнасці | пісьменнік, паэт, журналіст |
| Грамадская дзейнасць | |
| Член у | |
| Прэміі | |
Біяграфія
правіцьНарадзіўся ў 1954 годзе ў Барысаве. Выпускнік барысаўскай СШ №11 (1971). Падчас службы ў арміі атрымаў медаль «За працоўную адзнаку» (за ўдзел у ліквідацыі наступстваў паводкі на Брэстчыне). Пасля службы ў арміі працаваў трактарыстам на Барысаўскім дрэваапрацоўчым камбінаце. З 1979 года — карэспандэнт шматтыражнай газеты Барысаўскага завода аўтатрактарнага электраабсталявання «Трыбуна наватара», затым карэспандэнт барысаўскай раённай газеты «Камуністычная праца» (цяпер «Адзінства»). Кіраваў літаратурным аб’яднаннем «Бярэзіна», якое дзейнічала пры раённай газеце. Закончыў завочна факультэт журналістыкі БДУ (1985)[1][2][3][4].
З 1985 года жыў у горадзе Мядзел, доўгі час, да красавіка 2015 года, узначальваў аддзел эканомікі і рыначных адносін раённай газеты «Нарачанская зара».
Член саюза журналістаў Беларусі (1996), член Саюза пісьменнікаў Беларусі (2010).
Творчасць
правіцьАўтар паэтычных зборнікаў: «Целую руки женщины моей» (1990), «Кветка папараць» (2005), «Пад небам бусліным» (2007), «І тым не меньш...» (2016), «Пегас на сотках» (2018), «Барысаўскі тракт» (2019), а таксама прозы – «Бабуліны макі» (2015). За зборнік вершаў «За межы круга», атрымаў у 2014 годзе рэспубліканскую прэмію «Залаты Купідон» за найлепшы літаратурны твор 2013 года ў галіне паэзіі.
Творы друкаваліся ў рэспубліканскіх і рэгіянальных перыядычных выданнях: «Звязда», «Мінская праўда», «Літаратура і мастацтва», «Вожык», «Полымя», «Нёман», калектыўных зборніках (літаратурна-мастацкае выданне «Дзень паэзіі–2005», зборнікі «І зоркі над Бярэзінай-ракой», «Міншчына літаратурная»).
Прызнанне
правіць- Лаўрэат рэспубліканскай літаратурнай прэміі «Залаты купідон» за зборнік вершаў «За межы круга» (2014)[7].
- Лаўрэат Мінскай абласной прэміі ў галіне паэзіі за кнігу «Барысаўскі тракт» (2021)[8].
Зноскі
правіць- ↑ Известные земляки.
- ↑ Аляксандр Быкаў.
- ↑ Беларускі паэт Аляксандр Быкаў сустрэнецца з барысаўцамі.
- ↑ «Лучше жалеть о том, что сделано, чем о том, что не сбылось» – кредо поэта Александра Быкова. А сделано немало!.
- ↑ Ва ўзросці 70-і гадоў памёр аматар бегу з Мядзела, журналіст і паэт Аляксандр Быкаў.
- ↑ Пайшоў з жыцця Аляксандр Быкаў.
- ↑ Поэт из Борисова награжден «Золотым Купидоном» на празднике белорусской письменности.
- ↑ Шесть писателей Минщины получили звания лауреатов областной литературной премии.