Аляксандр Калодка

Аляксандр Калодка (14 снежня 1911, в. Церабостынь, Стаўбцоўскі павет, цяпер Карэліцкі раён, Гродзенская вобласць — 15 лістапада 1985) — беларускі грамадскі дзеяч у Аўстраліі, магістр права.

Аляксандр Калодка
Род дзейнасці	грамадскі дзеяч
Дата нараджэння	14 снежня 1911(1911-12-14)
Месца нараджэння	Церабостынь, Жухавіцкая воласць[d], Навагрудскі павет, Мінская губерня, Расійская імперыя
Дата смерці	15 лістапада 1985(1985-11-15) (73 гады)
Месца смерці	Аўстралія
Месца пахавання	Фокнерскі мемарыяльны парк[d]
Грамадзянства	Беларусь
Альма-матар	Віленская беларуская гімназія (1928) Гімназія імя Адама Міцкевіча ў Вільні[d] (1932) юрыдычны факультэт Універсітэта Стэфана Баторыя[d] (1938)
Член у	Беларускі цэнтральны камітэт у Вікторыі Беларускі інстытут навукі і мастацтва ў Нью-Ёрку

Біяграфія

Нарадзіўся ў сялянскай сям’і. Скончыў гарадское вучылішча ў Ярэмічах (цяпер Карэліцкі раён), у 1926 г. паступіў у Віленскую беларускую гімназію. У 1928—1932 гг. вучыўся ў польскай гімназіі імя Адама Міцкевіча ў Вільні. Супрацоўнічаў з газетамі «Беларускі дзень», «Сялянская ніва». У 1938 г. скончыў юрыдычны факультэт Віленскага ўніверсітэта з дыпломам магістра права. Працаваў у юрыдычным аддзеле грамадскага забеспячэння. У 1940—1941 гг. настаўнічаў у Вільні.

З верасня 1941 г. працаваў надзвычайным упаўнаважаным акруговага камісара ў Вілейцы, дзе займаўся беларусізацыяй адміністрацыі. У 1943 г. арыштаваны вілейскім гестапа. Быў вязнем канцэнтрацыйных лагераў Асвенцім, Біркенаў, Бухенвальд і інш. Пасля вайны працаваў у Беларускім нацыянальным камітэце, супрацоўнічаў з беларускай прэсай, Арганізацыяй былых вязняў канцэнтрацыйных лагераў.

У маі 1948 г. прыехаў у Аўстралію, працаваў на цукровых плантацыях у Квінслендзе, пазней — рабочым у Мельбурнскім порце. Арганізатар сектара Рады БНР у Аўстраліі, першага Беларускага клуба ў Мельбурне. Адзін з заснавальнікаў Беларускага аб’яднання ў Аўстраліі, якое, аднак, праз год пакінуў. Сябра Згуртавання беларусаў у Вікторыі, Згуртавання беларускіх камбатантаў, Каардынацыйнага камітэта беларускіх арганізацый у Аўстраліі, Беларускага цэнтральнага камітэта ў Вікторыі. Сталы аўтар заметак пра жыццё беларусаў Мельбурна ў газетах «Бацькаўшчына» і «Беларус». Член Беларускага інстытута навукі і мастацтва.

Пахаваны разам з жонкай Брыгітай на могільніку Фоўкнэр Меморыял Парк каля Мельбурна.

Працы

• Калодка, А. Беларусы ў Аўстраліі / Аляксандар Калодка // Беларуская мэмуарыстыка на эміграцыі = Belarusian memoirs in diaspora / Укл. Л.Юрэвіч. — Нью-Ёрк: БІНІМ, 1999. — 359 с. — (Belarusian Poets and Writers Series, Vol. 10). — С. 328—339.
• Калодка, А. Беларусы ў нямецкіх лягерах сьмерці // Беларус. — 1977. — № 241. — Травень. — С. 2, 4.
• Калодка, А. Вялейская турма // Зважай. — 1979. — № 2 (14). — С. 2 — 3.
• Калодка, А. Дарога сьмерці // Зважай. — 1979. — № 3 (15). — С. 5 — 6.
• Калодка, А. Доктар Янка Станкевіч // Беларускі сьвет. — 1985. — № 17 (46). — С. 18 — 20.
• Калодка, А. Напад палякаў на Жодзішкі // Зважай. — 1979. — № 4 (16). — С. 4.
• Калодка, А. Пётра Родзевіч // Зважай. — 1979. — № 1 (13). — С. 4 — 6.

Літаратура

• Гардзіенка, Н. Беларусы ў Аўстраліі: Да гісторыі дыяспары / Натальля Гардзіенка; Прад. І.Сурвіллы. — Мн.: Беларускі кнігазбор, 2004. — С. 424.
• Ліст Зінаіды Кадняк да Аляксандра Калодкі / Прад. й падр. да друку Н.Гардзіенкі // Запісы = Zapisy. — 2005. — № 28. — С. 298—306.
• Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.