Аляксандр Аляксандравіч Корзюк

Аляксандр Аляксандравіч Корзюк (нар. 22 верасня 1977, Мінск) — беларускі педагог і метадыст. Кандыдат педагагічных навук (2009).

Аляксандр Аляксандравіч Корзюк
Дата нараджэння	22 верасня 1977(1977-09-22) (46 гадоў)
Месца нараджэння	Мінск, БССР, СССР
Грамадзянства	Беларусь
Род дзейнасці	педагог, галоўны рэдактар, гісторык, выкладчык універсітэта
Навуковая сфера	гісторыя, методыка выкладання гісторыі
Месца працы	БДПУ Беларускі гістарычны часопіс
Навуковая ступень	кандыдат педагагічных навук (2009)
Навуковае званне	дацэнт (2012)
Альма-матар	гістарычны факультэт БДПУ імя М. Танка (1999)
Навуковы кіраўнік	І. І. Багдановіч
Узнагароды	Ганаровая грамата Мінскага гарадскога выканаўчага камітэта[d] Грамата Міністэрства адукацыі Рэспублікі Беларусь

Біяграфія

Нарадзіўся ў сям’і служачых. Скончыў Беларускі дзяржаўны педагагічны ўніверсітэт (1999) па спецыяльнасці «Гісторыя і замежная мова», у 2003 годзе — аспірантуру па спецыяльнасці «Тэорыя і методыка навучання і выхавання (гісторыя)». У 1994—2008 гадах працаваў настаўнікам гісторыі і замежнай мовы, намеснікам дырэктара па вучэбнай рабоце гімназіі № 11 у Мінску.

З 2008 года працаваў у БДПУ выкладчыкам, з 2009 года — загадчык кафедры дапаможных гістарычных дысцыплін і методыкі выкладання гісторыі, у 2015—2022 гадах — загадчык кафедры сусветнай гісторыі і методыкі выкладання гісторыі.

У 2009 годзе абараніў кандыдацкую дысертацыю «Фарміраванне ўстойлівага пазнавальнага інтарэсу вучняў у працэсе вывучэння гісторыі Беларусі ў 7-8 класах». У 2012 годзе прысвоена вучонае званне дацэнта па спецыяльнасці «Педагогіка».

Са студзеня 2022 года — галоўны рэдактар «Беларускага гістарычнага часопіса», па сумяшчальніцтве дацэнт кафедры ўсеагульнай гісторыі і методыкі выкладання гісторыі БДПУ.

Са студзеня 2023 года — таксама галоўны рэдактар навукова-метадычнага часопіса «Гісторыя і грамадазнаўства».

Навуковая дзейнасць

Навуковыя інтарэсы — дыдактыка гісторыі, вучэбна-пазнавальная дзейнасць вучняў на ўроках гісторыі і грамадазнаўства, навукова-метадычнае забеспячэнне адукацыйнага працэсу па гісторыі ў сярэдняй школе, гістарычная адукацыя ў краінах свету, параўнальная методыка выкладання гісторыі і грамадазнаўства.

Аўтар больш за 300 публікацый, у тым ліку 3 аднаасобных, 2 калектыўных манаграфій, 40 вучэбна-метадычных дапаможнікаў для ўстаноў сярэдняй і вышэйшай адукацыі, у т. л. серыі вучэбна-метадычных дапаможнікаў «Изучение вопросов культуры в курсе всемирной истории» (5-9 класы, 2016—2021), першага ў Беларусі вучэбна-метадычнага комплексу па методыцы выкладання грамадазнаўчых дысцыплін (вучэбна-метадычны дапаможнік, 2018; рабочы сшытак, 2020, 2021, 2022, 2023), першай у Беларусі «Настольнай кнігі настаўніка гісторыі» (2023).

Кіруе студэнцкай навукова-даследчай лабараторыяй «Кліа».

Асноўныя публікацыі

• Формирование устойчивого познавательного интереса учащихся 8-9 классов к изучению истории Беларуси: пособие для учителей учреждений общего среднего образования с белорус. и рус. яз. обучения. — Минск: «Экоперспектива», 2016.
• Арганізацыя краязнаўчай работы пры вывучэнні гісторый Беларусі ў сярэдняй школе: дапаможнік для педагогаў устаноў агульнай сярэдняй адукацыі. Мазыр, 2015.
• Гістарычнае краязнаўства Беларусі: вучэбна-метадычны дапаможнік / І. І. Багдановіч, А. А. Корзюк [і інш.]; пад рэд. А. А. Корзюка. Гродна, 2014.
• Изучение вопросов культуры и религии на уроках истории Древнего мира в 5 классе: учеб.-метод. пособие для учителей учреждений общего среднего образования с белорус. и рус. яз. обучения. — Минск: Изд. центр БГУ, 2016.
• Изучение вопросов культуры на уроках истории Средних веков в 6 классе: учеб.-метод. пособие для учителей учреждений общего среднего образования с белорус. и рус. яз. обучения. — Минск: Изд. центр БГУ, 2017.
• Изучение вопросов культуры на уроках истории Нового времени в 7 классе: учеб.-метод. пособие для учителей учреждений общего среднего образования с белорус. и рус. яз. обучения. — Минск: Изд. центр БГУ, 2018.
• Изучение вопросов культуры на уроках истории Нового времени в 8 классе: пособие для учителей учреждений общ. сред. образования с белорус. и рус. яз. обучения. — Минск: Изд. центр БГУ, 2019.
• Изучение вопросов культуры на уроках всемирной истории в 9 классе: пособие для учителей учреждений общ. сред. образования с белорус. и рус. яз. обучения. — Минск: Изд. центр БГУ, 2021.
• Методыка выкладання гісторыі ў школе ў апісаннях, схемах і табліцах: вучэб.-метад. дапам. — Мінск, 2017 (у суаўт.).
• Выкарыстанне гістарычных крыніц на ўроках гісторыі і грамадазнаўства: вучэб.-метад. дапам. для настаўнікаў устаноў агул. сярэд. адукацыі з беларус. і рус. мовамі навучання. — Мінск: Выд. цэнтр БДУ, 2016.
• Гісторыя Беларусі ў 7 класе: вучэб.-метад. дапам. для настаўнікаў устаноў агул. сярэд. адукацыі з беларус. і рус. мовамі навучання. — Мінск: Выд. цэнтр БДУ, 2018
• Методика преподавания обществоведческих дисциплин: учебно-метод. пособие. — Минск: БГПУ, 2018.
• Методика преподавания обществоведческих дисциплин: рабочая тетрадь. — Минск: БГПУ, 2020; 2-е изд., 2021; 3-е изд., 2022; 4-е изд., доп. и перераб., 2023.
• Теория и практика организации экскурсионно-краеведческой работы: рабочая тетрадь. — Минск: БГПУ, 2021.
• Современные тенденции развития образования: отечественный и зарубежный опыт: монография / А. А. Корзюк [и др.]; под науч. ред. А. А. Корзюка. — Минск:  Экоперспектива, 2020.
• Компетентностный подход в историческом образовании: теория и практика: монография. — Минск: МГПТКП, 2021.
• Теоретические основы и методические условия формирования познавательного интереса учащихся 7-8 классов к изучению истории Беларуси: монография. — Минск: МГПТКП, 2022.
• Гістарычная адукацыя ў сярэдняй школе Беларусі (1930-я гг. — першая чвэрць ХХІ ст.): манаграфія. — Мінск: МДК паліграфіі, 2023.
• Настольная кніга настаўніка гісторыі: дапаможнік для настаўнікаў. — Мінск: Адукацыя і выхаванне, 2023.

Узнагароды

• Лаўрэат прэміі Мінгарвыканкама.
• Лаўрэат прэміі Спецыяльнага фонду Прэзідэнта Рэспублікі Беларусь па сацыяльнай падтрымцы адораных вучняў і студэнтаў «За асабісты ўклад у развіццё здольнасцей таленавітай моладзі».
• Ганаровая грамата камітэта па адукацыі Мінгарвыканкама.
• Ганаровая грамата Мінгарвыканкама.
• Ганаровая грамата ЦК Беларускага прафсаюза работнікаў адукацыі і навукі.
• Грамата Міністэрства адукацыі Рэспублікі Беларусь.
• Граматы і дыпломы БДПУ.
• Грамата РУП «Выдавецтва „Адукацыя і выхаванне“».