Аляксандр Крыштоф Нарушэвіч

Аляксандр Крыштоф Нарушэвіч (? — 21 чэрвеня 1668) — вялікалітоўскі дзяржаўны дзеяч. Вялікі пісар літоўскі (1654—1658), падканцлер літоўскі (1658—1668).

Аляксандр Крыштоф Нарушэвіч
польск.: Aleksander Krzysztof Naruszewicz
Герб «Вадвіч»
13-ы Падканцлер літоўскі 1658 — 1668
Папярэднік	Крыштаф Пац
Пераемнік	Міхал Казімір Радзівіл
Вялікі пісар літоўскі 1654 — 1658
Староста лідскі 1646 — 1668
Папярэднік	Станіслаў Нарушэвіч
Пераемнік	Міхал Казімір Радзівіл
Нараджэнне	1616
Смерць	21 чэрвеня 1668(1668-06-21) Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая, Польшча
Род	Нарушэвічы
Бацька	Крыштаф Нарушэвіч
Маці	Альжбета з Шымковічаў[d]
Жонка	Тэадора Аляксандра з Сапегаў[d]
Дзеці	Марыяна Тэкля, Кацярына
Адукацыя	Інгальштацкі ўніверсітэт Падуанскі ўніверсітэт Балонскі ўніверсітэт
Дзейнасць	дыпламат

Біяграфія

З 1631 вучыўся ва універсітэце ў Інгальштаце, з 1632 — у Падуі, у 1633 — у Балонні.

Цесна звязаны з дваром караля Яна Казіміра. У 1651—1653 у складзе дэлегацыі на мірных перагаворах са Швецыяй.Староста лідскі (з 1646), любашанскі, мядзельскі, пянянскі, шарашоўскі. Пасол на соймы 1647, 1648, 1654, 1655. У 1654 годзе стаў вялікім пісарам літоўскім, а ў 1658 перайшоў на ўрад падканцлера. У 1656 годзе быў адміністратарам скарбу Вялікага княства Літоўскага.

Удзельнічаў у мірных перамовах з Масквой у 1659—1663 гадах.

Сям'я

Паходзіў з роду Нарушэвічаў герба «Вадвіч». Сын Крыштофа, вялікага падскарбія літоўскага, і яго жонкі Альжбеты Шымковіч, брат Станіслава і Яна.

Ажаніўся з Тэадорай, дачкой вялікага гетмана Паўла Яна Сапегі.

Пакінуў дачок:

• Марыяну Тэклю, якая выйшла спачатку за абознага вялікага літоўскага Ежы Караля Хадкевіча, а потым за жамойцкага старосту Пятра Міхала Паца;
• Кацярыну, якая была замужам за абозным літоўскім Янам Казімірам Валовічам.

Літаратура

• Пазднякоў В. Нарушэвічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 349. — 792 с. — ISBN 985-11-0378-0 (т. 2), ISBN 985-11-0315-2.