Аляксандр Майсеевіч Розін

Аляксандр Майсеевіч Ро́зін (28 лістапада 1881 — 10 красавіка 1942) — вучоны, геолаг, прафесар (1938), член-карэспандэнт Акадэміі навук БССР (1940).

Аляксандр Майсеевіч Розін
Дата нараджэння	28 лістапада 1881(1881-11-28)
Месца нараджэння	Магілёў, Магілёўская губерня, Расійская імперыя
Дата смерці	10 красавіка 1942(1942-04-10) (60 гадоў)
Месца смерці	Куйбышаў, Куйбышаўская вобласць, РСФСР, СССР
Месца пахавання	Самара
Грамадзянства	Расійская імперыя  СССР
Род дзейнасці	навуковец
Навуковая сфера	геалогія
Месца працы	Вышэйшы Савет народнай гаспадаркі Беларускай ССР
Альма-матар	Фрайбергская горная акадэмія
Прэміі

Біяграфія

Нарадзіўся ў Магілёве. У 1908 годзе скончыў Фрайбергскую горную акадэмію ў Германіі. З 1909 года працаваў горным інжынерам па разведцы і выкарыстанню радовішчаў фарбуючых руд і вогнетрывалых глін на Ляхвай Гары каля Лоева. З 1927 года працаваў у Вышэйшым Савеце народнай гаспадаркі БССР на пасадзе намесніка начальніка горнага аддзела. З 1931 года — намеснік начальніка Беларускага геолагаразведачнага трэста, з 1933 года — начальнік групы даследаванняў і кансультант па мінеральнай сыравіне Навукова-даследчага інстытута прамысловасці БССР. У 1937—1941 гадах у Беларускім геалагічным упраўленні на пасадах намесніка начальніка, прафесара-кансультанта, начальніка сектара. У 1941—1942 гадах знаходзіўся ва эвакуацыі ў Куйбышаўскай вобласці, працаваў геолагам.

Памёр 20 красавіка 1942 года. Пахаваны на Гарадскіх могілках у Самары.

Навуковая дзейнасць

У 1908—1937 гадах займаўся разведкай карысных выкапняў на тэрыторыі Беларусі. Даследаваў тарфяныя масівы Гомельскай вобласці, радовішчы кварцавых пяскоў, крэйды, фасфарытаў, фарбавых руд, вогнетрывалых глін і інш. На аснове геолага-геафізічных дадзеных выказаў меркаванне аб магчымасці наяўнасці на паўднёвым усходзе Беларусі саляносных тоўшч. Адзін з арганізатараў геалагічнай службы ў БССР. Аўтар каля 20 навуковых прац.

Узнагароды

• Дзяржаўная прэмія СССР 1952 года (пасмяротна) за адкрыццё і разведку Старобінскага радовішча калійных солей.

Літаратура

• Розін Аляксандр Майсеевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 400. — 10 000 экз. — ISBN 985-11-0035-8. — ISBN 985-11-0216-4 (т. 13).
• Розин Александр Моисеевич // Национальная академия наук Беларуси: энцикл. справ. (руск.) / Нац. акад. наук Беларуси, Изд. дом «Беларуская навука»; редкол.: В. Г. Гусаков (гл. ред.) [и др.]. — Минск.: Беларуская навука, 2017. — С. 474. — 599 с.: ил. с. — ISBN 978-985-08-2046-4.

Спасылкі

• Беларусь у асобах і падзеях — Розін Аляксандр Майсеевіч // Нацыянальная бібліятэка Беларусі
• Сергей Бойко За нами — исторический оптимизм // Портал о нефти и химии Беларуси «Нефтехимия» (руск.)
• Аляксандр Майсеевіч Розін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)