Аляксандр Мікалаевіч Дудук
Аляксандр Мікалаевіч Дудук (27 студзеня 1929, в. Нарэшавічы, Клецкі раён, Мінская вобласць — 13 чэрвеня 2009) — заслужаны работнік сельскай гаспадаркі БССР, Герой Сацыялістычнай Працы.
| Аляксандр Мікалаевіч Дудук | |
|---|---|
| Дата нараджэння | 27 студзеня 1929 |
| Месца нараджэння | |
| Дата смерці | 13 чэрвеня 2009 (80 гадоў) |
| Партыя | |
| Узнагароды і прэміі |
      |
Біяграфія правіць
Удзельнік партызанскага руху ў Беларусі ў гады Вялікай Айчыннай вайны (сувязны спецатрада «Авангард», які дыслацыраваўся на тэрыторыі Баранавіцкай вобласці з верасня 1943 года па ліпень 1944 года). У 1944—1945 гадах сакратар Чырванаслабодскага сельсавета Клецкага раёна Баранавіцкай вобласці. У 1967—1972 гадах дырэктар саўгаса «Чырвоны сцяг». З мая 1973 года дырэктар саўгаса-камбіната «Мір».
Узнагароды правіць
Удастоенны звання «Заслужаны работнік сельскай гаспадаркі БССР». Званне Героя Сацыялістычнай Працы прысвоена 7 ліпеня 1986 года. Узнагароджаны залатым медалём «Серп і Молат», ордэнамі Леніна (двойчы), Працоўнага Чырвонага Сцяга, Айчыннай вайны II ступені, «Знак Пашаны»[1].