Аляксандр Павел Сапега

Аляксандр Павел Сапега
Аляксандр Павел Сапега
	Aleksander Paweł Sapieha
	; Надмагілле Аляксандра Паўла Сапегі ў касцёла трынітарыяў у Вільні
	; Герб «Ліс»
Вялікі маршалак літоўскі
	1698 — 4 студзеня 1734
Сумесна з	Марцыян Дамінік Валовіч (1704 — 1712)
Папярэднік	Ян Кароль Дольскі
Пераемнік	Павел Кароль Сангушка
Нараджэнне	8 верасня 1672[…]
Смерць	4 студзеня 1734[…] (61 год); Вільня, Віленскі павет, Віленскае ваяводства, Вялікае Княства Літоўскае;
Месца пахавання	Касцёл Госпада Ісуса ў Вільнюсе[d];
Род	Сапегі
Бацька	Казімір Ян Сапега
Маці	Крысціна Барбара з Глябовічаў[d]
Жонка	Марыя Крысціна Кацярына дэ Бецюн[d]
Дзеці	Людвіка Марыя, Казімір Леан, Юзаф Станіслаў, Міхал Антоні, Марыя
Веравызнанне	каталіцтва
Адукацыя	Браўнсбергскі езуіцкі калегіум[d];
Бітвы	Бітва пад Алькенікамі;
Узнагароды

Аляксандр Павел Сапега (8 верасня 1672 — 4 студзеня 1734) — дзяржаўны дзеяч Вялікага Княства Літоўскага.

Біяграфія

Вучыўся ў езуіцкім калегіуме ў Брунсбергу (Браневе), у 1685—1689 у Парыжы. Чашнік ВКЛ у 1692, маршалак дворны ў 1692—1698, маршалак вялікі ў 1698—1703, 1705—1708 і з 1713. Удзельнічаў у Алькеніцкай бітве 1700, у час Паўночнай вайны 1700—1721 стаў на бок шведаў, караля Станіслава Ляшчынскага, які таксама даў яму пасаду вялікага маршалка (1705—1708). Пасля аднаўлення ўлады Аўгуста II у 1709 у апазіцыі да яго. Валодаў Друяй, Іказню, Сапежынам, Дуброўнам і іншымі маёнткамі.

Быў малодшым сынам Казіміра Яна Сапегі і яго першай жонкі Крысціны Барбары Глябовіч. Меў братоў Ежы Станіслава і Міхала Францішка. Ажаніўся ў 1691 з Марыяй Крысцінай дэ Бецюн (Marie Christine Catherine de Béthune-Chabris, 1677—1721), меў з ёй дзяцей:

Людвіку Марыю (1695—1768), якая выйшла першы раз за графа Аляксандра Дамініка Веляпольскага, а пасля яго смерці за літоўскага падстолія Антонія Міхала Патоцкага;
Казіміра Леана (1697—1738), генерала літоўскай артылерыі;
Юзафа Станіслава (1708—1754), біскупа-каад’ютара віленскага;
Міхала Антонія (1711—1760), літоўскага падканцлера;
Марыю.

Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 549. — 792 с. — ISBN 985-11-0378-0 (т. 2), ISBN 985-11-0315-2.