Аляксей Міхайлавіч Багамолаў

Аляксей Міхайлавіч Багамолаў (19 снежня 1919, с. Вялікае Іванаўскае, цяпер Раменскі раён, Маскоўская вобласць — 2 кастрычніка 2013, г. Горкі) — беларускі аграном і селекцыянер. Кандыдат сельскагаспадарчых навук, дацэнт. Заслужаны аграном (1960). Ганаровы грамадзянін Горацкага раёна (2010). Ганаровы прафесар БДСГА (1995).

Аляксей Міхайлавіч Багамолаў
Дата нараджэння	19 снежня 1919(1919-12-19)
Месца нараджэння	Вялікае Іванаўскае[d], сельскае паселішча Ніканаўскае[d], Раменскі раён[d], Маскоўская вобласць
Дата смерці	2 кастрычніка 2013(2013-10-02) (93 гады)
Месца смерці	Горкі, Горацкі раён, Магілёўская вобласць, Беларусь
Грамадзянства	СССР  Беларусь
Род дзейнасці	аграном, селекцыянер
Месца працы	Беларуская дзяржаўная сельскагаспадарчая акадэмія Гродзенская абласная дзяржаўная сельскагаспадарчая вопытная станцыя
Навуковая ступень	кандыдат сельскагаспадарчых навук
Навуковае званне	дацэнт заслужаны прафесар
Альма-матар	Беларуская дзяржаўная сельскагаспадарчая акадэмія (1947)
Узнагароды	Ганаровая грамата Прэзідыума Вярхоўнага Савета БССР Заслужаны аграном Беларускай ССР[d] (1960)

Біяграфія

У 1939 годзе паступіў у БСГА. Удзельнік Вялікай Айчыннай вайны. Скончыў БСГА ў 1947 годзе. З таго ж года працаваў у акадэміі навуковым супрацоўнікам, а з 1953 г. — дырэктарам Беняконскай сельскагаспадарчай вопытнай станцыі. У 1956—1965 гадах — арганізатар і першы дырэктар Гродзенскай абласной дзяржаўнай сельскагаспадарчай вопытнай станцыі. Вывеў новы сорт азімага жыта «Беняконскае», які быў раяніраваны па Беларусі, Літве, Калужскай вобласці.

З 1965 года ў БСГА загадчык кафедры селекцыі і насенняводства, з 1976 года прарэктар па навуковай рабоце, прафесар кафедры селекцыі і насенняводства (1982).

Навуковая дзейнасць

У акадэміі вёў навукова-даследчую работу па вывядзенні новых высокаўраджайных сартоў азімага жыта, яравога ячменю.

Аўтар звыш 500 надрукаваных навуковых і публіцыстычных прац па агранаміі. Аўтар кнігі-альбома «Из пепла и руин» (2004), у які ўвайшлі фотаздымкі, зробленыя ім самім трафейным фотаапаратам у гады Вялікай Айчыннай вайны.

Узнагароды

Узнагароджаны ордэнамі Айчыннай вайны 2-й ступені, Славы 3-й ступені (1945), Працоўнага Чырвонага Сцяга (1966), «Знак Пашаны» (1974), медалём «За адвагу» і 16-ю іншымі дзяржаўнымі медалямі і медалямі ВДНГ СССР, трыма Ганаровымі граматамі Вярхоўнага Савета БССР.

Літаратура

• Багамолаў Аляксей Міхайлавіч // Памяць : гісторыка-дакументальная хроніка Горацкага раёна. — Мінск, 1996. — С. 545.
• Богомолов Алексей Михайлович // История в биографиях ученых, удостоенных почетных званий, лауреатов премий, профессоров, докторов наук / автор-составитель Цыганов А. Р., Лившиц В. М. ; БГСХА. — Могилев, 2005. — С. 8-9.
• Власенко, М. Очарованный жизнью / Михаил Власенко // Зямля i людзi. — 2009. — 23 снежня. — С. 10.
• Екель, Л. Соль земли/ Л. Екель // Неман. — 2008. — № 12. — С. 162—171.
• Зарэцкі, А. Жыццёвы шлях : навука і вытворчасць / А. Зарэцкі // Ленінскі шлях (Горкі). — 1980. — 10 студзеня.
• Зинькевич, Л. Берлин 45-го снимал трофейным фотоаппаратом горецкий ученый Алексей Богомолов / Л. Зинькевч // Могилевская правда. — 2003. — 30 мая.
• Пугач, А. Цветы жизни профессора Богомолова : [он мечтал создать новые сорта, которые бы стали основой большого хлеба для страны. И мечта сбылась] / Андрей Пугач // Белорусская нива. — 2009. — 18 декабря. — С. 3.
• Таранухо, Г. И. Заслуженный агроном БССР / Г. И. Таранухо // Вестник БГСХА. — 2009. — № 4. — С. 198—199.

Спасылкі

• БАГАМОЛАЎ АЛЯКСЕЙ МІХАЙЛАВІЧ (1919-2013)