Аляксей Мікалаевіч Скобля
Аляксей Скобля, пазыўны Тур (14 сакавіка 1990, Мінск, Беларусь — 13 сакавіка 2022, паблізу Кіева, Украіна) — украінскі вайсковец, старшы сяржант. Герой Украіны (2022, пасмяротна)[1].
Аляксей Мікалаевіч Скобля | |
---|---|
Дата нараджэння | 14 сакавіка 1990 |
Месца нараджэння | |
Дата смерці | 13 сакавіка 2022 (31 год) |
Месца смерці | |
Месца пахавання | |
Альма-матар | |
Грамадзянства | |
Званне | старшы сяржант |
Узнагароды і званні | |
Медыяфайлы на Вікісховішчы |
Біяграфія правіць
Маці — выхавальніца ў дзіцячым садку, бацька — кіроўца аўтобуса. Пасля 9 класа паступіў у Мінскі аўтамеханічны каледж. Скончыў яго, працаваў механікам, рамантаваў аўтамабілі. Пазней паступіў у Гродзенскі ўніверсітэт імя Янкі Купалы па спецыяльнасці «эксплуатацыя аўтамабіляў», але не скончыў.
У сакавіку 2015 года добраахвотнікам паехаў ваяваць на Данбас. Пасля сканчэння актыўных баявых дзеянняў на Данбасе застаўся ў арміі. Працаваў інструктарам па тактыцы і медыцыне. Атрымаў украінскае грамадзянства. Быў у складзе Тактычнай групы «Беларусь»[2].
Па нападзе Расіі на Украіну стаў намеснікам камандзіра групы беларускага батальёна імя Кастуся Каліноўскага[3]. Загінуў 13 сакавіка 2022 года ў баях пад Кіевам[4].
Памяць правіць
- 12 красавіка 2022 года пасмяротна ўзнагароджаны медалём «Герой Украіны»[5].
- 28 чэрвеня 2022 года стала вядома, што вуліцу Аляксандра Пушкіна ў Хмяльніцкім пераймянуюць у гонар Аляксея Скоблі[6].
- 24 лістапада 2022 года Скобля быў пасмяротна ўзнагароджаны ордэнам Пагоні Рады Беларускай Народнай Рэспублікі.[7]
- У маі 2023 года каля вёскі Машчун у Бучанскім раёне Кіеўскай вобласці усталявалі памятны знак у гонар Аляксея Скоблі.[8]
Гл. таксама правіць
Зноскі
- ↑ УКАЗ ПРЕЗИДЕНТА УКРАЇНИ № 233/2022
- ↑ Смяротна паранены беларус «Тур» загінуў пад Кіевам
- ↑ Под Киевом героической смертью погиб белорусский доброволец
- ↑ Смяротна паранены, застаўся прыкрываць сваіх. Хто такі беларус «Тур», забіты пад Кіевам
- ↑ УКАЗ ПРЕЗИДЕНТА УКРАЇНИ №233/2022 (укр.). president.gov.ua (12 красавіка 2022).
- ↑ У Хмяльніцкім вуліцу Пушкіна назавуць у гонар беларуса-каліноўца Аляксея Скоблі
- ↑ Рада БНР абвяшчае пра абнаўленьне Статуту Ордэна Пагоні і заснаваньне Мэдаля Ордэну Пагоні
- ↑ Под Киевом установили памятную табличку в честь погибшего «калиновца» Алексея Скобли