Аляксей I Вялікі Камнін
Аляксе́й I Вялі́кі Камні́н (грэч. Αλέξιος Α΄ Μέγας Κομνηνός; 1181, Канстанцінопаль — 1222, Трапезунд) — першы імператар Трапезундскай імперыі ў 1204—1222 гадах, заснавальнік дынастыі Вялікіх Камнінаў.
| Аляксей I Вялікі Камнін | |||||||
|---|---|---|---|---|---|---|---|
 | |||||||
|
|||||||
| Пераемнік | Андронік I Гід[d] | ||||||
| Нараджэнне |
каля 1182[1] |
||||||
| Смерць |
1 лютага 1222[1] |
||||||
| Род | Вялікія Камніны | ||||||
| Бацька | Мануіл Камнін[d] | ||||||
| Маці | Русудан[d] | ||||||
| Жонка | мерк. Феадора Аксухіна[d][2] | ||||||
| Дзеці | Мануіл I Вялікі Камнін, Іаан I Аксух Вялікі Камнін[d][3] і N Камніна[d][3] | ||||||
Паходжанне
правіцьСын севастакратара Мануіла Камніна і ўнук візантыйскага імператара Андроніка I. Пасля гібелі бацькі і дзеда ў выніку перавароту 1185 года ў Канстанцінопалі, малалетняга Аляксея і яго брата Давіда таемна вывезлі ў Грузію да цёткі, царыцы Тамары.
Пасля захопу Канстанцінопаля крыжакамі ў 1203 годзе ў выгнаннікаў з’явілася магчымасць вярнуць імператарскую ўладу. Пры ваеннай падтрымцы Грузіі, Аляксей і Давід зацвердзілі сваю ўладу ў некалькіх гарадах на паўднёвым узбярэжжы Чорнага мора, і неўзабаве Аляксей абвешчаны імператарам.
Аднак пасля некалькіх паражэнняў трапезундцаў ад войск нікейскага імператара Феадора Ласкарыса і сельджукаў, Аляксей вымушаны адмовіцца ад прэтэнзій на агульнавізантыйскі сталец і прызнаць васальную залежнасць ад Канійскага султаната.
У значнай ступені таму, а таксама праз палітычны саюз з Грузіяй, даволі слабая ў ваенным плане Трапезундская імперыя на працягу двух з паловай стагоддзяў здолела захоўваць уласную дзяржаўнасць.
Шлюб і дзеці
правіцьУ шлюбе меркавана з Феадорай Аксухінай, дачкой Іаана Камніна, прадстаўніка арыстакратычнага візантыйскага роду
- Іаан I Аксух Вялікі Камнін (пам. 1238), імператар Трапезунда
- дачка; у шлюбе з Андронікам I Гідам (пам. 1235), імператарам Трапезунда
- Мануіл I Вялікі Камнін (1218 — сакавік 1263), імператар Трапезунда
Зноскі
- ↑ а б https://www.biografiasyvidas.com/biografia/a/alejo_i_comneno.htm
- ↑ (unspecified title) Праверана 7 жніўня 2020.
- ↑ а б Lundy D. R. The Peerage
Спасылкі
правіць- Алексей Комнин // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- Fondation for Medieval Genealogy : Імператары Трапезунда (англ.)